झापा , २४ जेठ । झापामा सरकारी विद्यालय र क्याम्पसको ४५९ बिघा जग्गा अतिक्रमण भएको पाइएको छ ।
पछिल्लो समय बिद्यालयको नाममा रहेका धेरै जसो ठाउंका जग्गा अतिक्रमणमा परेका छन् ।
बिद्यालयले पनि आफ्नो जग्गा प्रति चासो देखाउदै आईरहेको र खोजिकार्य गरिरहेको छ।
अतिक्रमण्मा परेका जग्गाहरुमा मेची बहुमुखी क्याम्पसको १२६ बिघा, आदर्श विद्या मन्दिर घैलाडुब्बाको ८७ बिघा, जनता प्राथमिक विद्यालय शरणामतीको २७ बिघा, महेन्द्र माध्यमिक विद्यालय पन्थापाडाको २७ बिघा र डिल्लीराज माध्यमिक विद्यालय कुमरखोदको २१ बिघा जग्गा रहेका छन् ।
जिल्ला बाहिरका विद्यालयको नाममा झापामा रहेको जग्गासमेत अतिक्रमण भएको छ ।
बिद्यालयका नाममा रहेका जग्गामा मान्छेले घरमात्र बनाएका छैन्न बरु आफू खुशी किनबेच सम्म गर्दै आएको गुनासो बढिरहेको छ।
