काठमाडौं,९ असार । विकास, आर्थिक मामिला तथा सुशासन समितिका सभापति कृष्णप्रसाद पौडेलले शिक्षा क्षेत्रमा देखिएका समस्या र विकृतिप्रति सरकार गम्भीर बन्नुपर्ने बताउनु भएको छ। समितिको बैठकमा बोल्दै उहाँले वर्तमान सरकारले शिक्षा क्षेत्रमा देखिएका विभिन्न बेथिति र विकृतिले शैक्षिक सुधारको अभियानलाई थप ओझेलमा पार्ने खोज्यको आरोप लगाउनु भएको छ ।
उहाँले भन्नु भयो, ‘क्वान्टिटी’ होइन, ‘क्वालिटी’ लिने बोलामा वर्तमान सरकारले यो कुरालाई बस्ता नगरेर शैक्षिक फाटमा फेरी अनेकौ बोथिति र विकृति निम्त्याएर अझै ओझेलमा पार्न खोजेको छ ।’ उहाँले २०३८ र २०४२ सालतिरको शैक्षिक अवस्थाको तुलना गर्दै अहिले देशका दुर्गम गाउँसम्ममा विद्यालय भवन, खानेपानी, खेलमैदान लगायतका भौतिक पूर्वाधार पुगेको बताउनु भयो । उहाँले विगतका सरकारहरूले शिक्षालाई प्राथमिकतामा राखेको उल्लेख गर्नु भएको छ ।
उहाँले भन्नु भयो, ‘३८ सालको नेपालको शैक्षिक अवस्था ४२ सालमा नेपालको शैक्षिक अवस्था कस्तो थियो । शिक्षा वास्तवमा पुर्वधारको को पनि पुर्वधार भएकोले विगतका सरकारहरूले शिक्षा प्राथमिकतामै राखेको थियो ।’ उहाँले आफू विद्यालयमा अध्ययन गर्दाका दिन सम्झँदै त्यतिबेला विद्यालयमा पर्याप्त भौतिक सुविधा नभएको उल्लेख गर्नु भएको छ । उहाँले भन्नु भयो, ‘हामी पढ्दाको समयमा विद्यालयमा झ्याल, ढोका, खानेपानी र खेल्ने ठाउँसमेत पर्याप्त थिएन । अहिले दुर्गम क्षेत्रका विद्यालयहरूमा समेत भौतिक पूर्वाधार राम्रो बनेका छन् ।’
सभापति पौडेलले शिक्षा मन्त्रालयको ध्यानाकर्षण गराउँदै देशका उत्कृष्ट विद्यार्थीहरू उच्च शिक्षा अध्ययनका लागि विदेशिने क्रम बढ्दो रहेको बताउनु भएको छ । उहाँका अनुसार हरेक वर्ष करिब एक लाखभन्दा बढी नेपाली विद्यार्थी अध्ययनका लागि विदेश जाने गरेका छन्, जसका कारण दुई खर्ब रुपैयाँभन्दा बढी रकम देशबाट बाहिरिने गरेको छ ।
