झापा , १५ असार । दिनहुँ ४०–५० वटा जङ्गली हात्ती छावासहित गाउँ पसिरहेका छन्। चियाबारी र बस्तीमै दिनभर बस्ने हात्तीका कारण स्थानीयहरू ज्यान जोगाउन संघर्ष गरिरहेका छन्।
विद्यालय जाने बालबालिका डराएका छन्। किसानले रोपाइँ छाडेका छन्। गाउँ नै त्रासमा बाँचिरहेको छ। स्थानीय, प्रहरी र सशस्त्र प्रहरीले साइरन बजाएर हात्ती धपाउने प्रयास गरिरहेका छन्, तर केही घण्टामै फेरि हात्ती गाउँ फर्किने गरेको छ।
स्थानीयहरु भन्छन, “हामी कहिलेसम्म यसरी डराएर बाँच्ने?“
सीमामा बनाइएको विद्युतीय फेन्सिङ जीर्ण भइसकेको छ। हात्तीले नयाँ बाटो बनाएर गाउँ पस्न थालेका छन्। बाहुनडाँगीका नागरिकको सुरक्षा कहिले सुनिश्चित हुन्छ?
की अर्को दुःखद घटना पर्खिनुपर्ने हो?
