देशभर बाढीको जोखिम बढ्यो , प्रमुख नदीमा जलसतह बढ्ने पूर्वानुमान

काठमाडौं,८ असोज । लगातारको वर्षासँगै देशभरका प्रमुख नदीमा जलसतह बढ्ने पूर्वानुमान गरिएको छ।

बाढी पूर्वानुमान महाशाखाले आगामी पाँच दिन कोशी, नारायणी, कर्णाली, महाकालीसहितका प्रमुख नदी तथा तिनका सहायक नदीमा पानीको बहाव उल्लेख्य बढ्ने भन्दै सतर्कता अपनाउन आग्रह गरेको छ।

महाशाखाले बिहीबार बिहान जारी गरेको विशेष बाढी पूर्वानुमान बुलेटिनअनुसार अहिले अधिकांश प्रमुख नदीको बहाव सतर्कता तहभन्दा तल रहे पनि असोज १२ गतेसम्म क्रमशः बढ्ने आकलन गरिएको छ।
कोशी जलाधारका सप्तकोशी, तमोर, अरुण, दूधकोशी, तामाकोशी र सुनकोशीसँगै कन्काई र कमला नदीमा बिहीबारदेखि नै जलसतह उल्लेख्य बढ्ने पूर्वानुमान छ।

नारायणी, कर्णाली र महाकाली जलाधारका नदीमा बिहीबार सामान्य वृद्धि भए पनि असोज ९ देखि १२ गतेसम्म बहाव उल्लेख्य बढ्ने महाशाखाले जनाएको छ। त्रिशूली, बूढीगण्डकी, मस्र्याङ्दी, सेती, कालीगण्डकी, ठूली भेरी, भेरी र पश्चिम सेतीलगायत नदीमा जोखिम बढ्नेछ।

यस्तै बागमती, पूर्वी राप्ती, तिनाउ, बाणगंगा, पश्चिम राप्ती र बबई नदीमा पनि भोलिदेखि लगातार चार दिन जलसतह बढ्ने पूर्वानुमान गरिएको छ।

ठूला नदी मात्रै होइन, साना खोलामा पनि आकस्मिक बाढीको जोखिम

महाशाखाका अनुसार जोखिम ठूला नदीमा मात्र सीमित छैन। देशभरका साना नदी तथा खोलामा पनि बिहीबारदेखि नै बहाव बढ्ने र आकस्मिक बाढीको मध्यम जोखिम रहेको छ।
कोशी प्रदेशका ताप्लेजुङ, इलाम, झापा, मोरङ र सुनसरीदेखि मधेसका सप्तरी, सिरहा र पर्सासम्मका क्षेत्रमा जोखिम औँल्याइएको छ।

बागमती प्रदेशका काठमाडौं, ललितपुर, भक्तपुर, दोलखा, सिन्धुपाल्चोक, धादिङ र चितवनसहितका जिल्लामा पनि साना नदी तथा खोलामा बाढीको सम्भावना छ।

गण्डकी, लुम्बिनी र कर्णाली प्रदेशका पहाडी तथा हिमाली जिल्लामा समेत जोखिम रहेको महाशाखाले जनाएको छ।
नदीको बहाव बढ्ने क्रमसँगै जोखिमयुक्त क्षेत्रमा बसोबास गर्ने नागरिकलाई सतर्क रहन, नदी किनार तथा खोलामा नजान र स्थानीय प्रशासन तथा पूर्वसूचनालाई बेवास्ता नगर्न आग्रह गरिएको छ।

उज्यालोखबरमा प्रकाशित तथा प्रशारित सामग्रीबारे कुनै प्रतिक्रिया, सुझाव या सल्लाह भए ujyaalokhabar112@gmail.com मा पठाउनु होला ।

Share:

ताजा समाचारहरु

प्रधानमन्त्री बालेन्द्र शाह भारत प्रस्थान, दिल्लीमा राज्यमन्त्रीद्वारा स्वागत

काठमाडौं ,६ मंसिर। प्रधानमन्त्री बालेन्द्र (बालेन) शाह दुईदिने राजकीय भ्रमणका लागि भारत पुग्नु भएको छ ।भारतीय प्रधानमन्त्री नरेन्द्र मोदीको निमन्त्रणामा प्रधानमन्त्री शाह आइतबार भारतको नयाँदिल्ली

३५ सदस्यीय टोलीसहित प्रधानमन्त्री शाहको भारत भ्रमण

काठमाडौं ,६ मंसिर। प्रधानमन्त्री बालेन्द्र शाहको भारतको औपचारिक राजकीय भ्रमणमा ३५ सदस्यीय प्रतिनिधिमण्डल सहभागी भएका छन् ।भ्रमण टोलीमा प्रधानमन्त्री शाहसहित अर्थमन्त्री डा. स्वर्णिम वाग्ले, परराष्ट्रमन्त्री

विराजभक्त श्रेष्ठ कार्यवाहक प्रधानमन्त्री

काठमाडौं ,६ मंसिर। ऊर्जा, जलस्रोत तथा सिँचाइमन्त्री विराजभक्त श्रेष्ठले कार्यवाहक प्रधानमन्त्रीको जिम्मेवारी पाँउनु भएको छ। प्रधानमन्त्री बालेन्द्र शाह भारत भ्रमणमा निस्केपछि श्रेष्ठले कार्यवाहक प्रधानमन्त्रीको जिम्मेवारी

३५ सदस्यीय टोलीको नेतृत्व गर्दै प्रधानमन्त्री बालेन्द्र शाह भारत भ्रमणमा प्रस्थान

काठमाडौं ,६ मंसिर। प्रधानमन्त्री बालेन्द्र शाह ३५ सदस्यीय प्रतिनिधिमण्डलको नेतृत्व गर्दै भारतको औपचारिक राजकीय भ्रमणका लागि प्रस्थान गर्नु भएको छ ।प्रधानमन्त्री शाहसँगै अर्थमन्त्री डा. स्वर्णिम

कीर्तिमानै कीर्तिमानका साथ एनपीएलको तेस्रो संस्करण सम्पन्न, सुदूरपश्चिम च्याम्पियन

काठमाडौं ,६ मंसिर। नेपाल प्रिमियर लिगको तेस्रो संस्करण शनिबार सम्पन्न भएको छ । नेपाल क्रिकेट संघ(क्यान)को आयोजनामा कात्तिक ९ गतेदेखि सुरु भएको प्रतियोगितामा आठ टोली

अस्ट्रेलियाका पूर्व सांसद म्याग्वायरलाई ३ वर्ष जेल सजाय

सिड्नी,६ मंसिर । चिनियाँ नागरिकहरूको भिसा आवेदनमा नक्कली रोजगारी प्रायोजन (स्पोन्सरसिप) मिलाउने योजनामा संलग्न रहेको अभियोगमा अस्ट्रेलियाको न्यू साउथ वेल्स (एन् एस् डब्ल्यू) राज्यका पूर्व

नेपालको आकाशमार्ग प्रयोग गरी सैन्य विमान उडाउने प्रस्ताव नगरेको भारतको भनाइ

काठमाडौं,६ मंसिर । भारतले नेपालको आकाशमार्ग प्रयोग गरी सैन्य विमान सञ्चालन गर्ने प्रस्ताव नगरेको स्पष्ट पारेको छ । भारतीय सैन्य विमानलाई नेपालको बागडोगरा प्रवेश बिन्दु