काठमानडौ,११ असोज ।नेपाली कांग्रेसको निवर्तमान सभापति शेरबहादुर देउवा समूहले पार्टीको वडा तहदेखि केन्द्रीय तहसम्मका सबै कार्यसमितिमा १८ देखि २८ वर्ष उमेर समूहका युवाको सहभागिता अनिवार्य गर्ने व्यवस्था अघि सारेको छ।
समूहले तयार पारेको ‘निर्वाचन निर्देशिका–२०८३’ मा युवा सहभागितालाई कार्यसमिति गठनको अनिवार्य सर्त बनाइएको उल्लेख छ।
निर्देशिकाअनुसार कुनै पनि कार्यसमितिमा १८ देखि २८ वर्ष उमेर समूहका युवा सहभागी नभएमा त्यो पद खाली राख्नुपर्ने व्यवस्था गरिएको छ।
यसको अर्थ अब कांग्रेसका विभिन्न तहका समिति गठन गर्दा युवा सहभागिता केवल प्रतिनिधित्वका लागि मात्र नभई पदपूर्तिसँगै जोडिएको अनिवार्य प्रावधान बन्नेछ।
यो व्यवस्था कार्यान्वयनमा आए कांग्रेसको आगामी संगठन निर्माणमा नयाँ पुस्ताको सहभागिता कसरी बढ्छ, भन्ने विषय पनि चासोको विषय बनेको छ।
