सुनारको दाबी, त्यो पात्र म होइन, निष्पक्ष छानबिन हुनुपर्छ

काठमान्डौं,२७ असोज । राष्ट्रिय स्वतन्त्र पार्टी (रास्वपा) का सांसद खगेन्द्र सुनारले सामाजिक सञ्जालमा सार्वजनिक भएको विवादास्पद अडियोमा आफ्नो संलग्नता नरहेको दाबी गरेका छन्। उनले आफूलाई प्रहरीभित्रको भ्रष्टाचार र बदमासीबारे संसद्को सार्वजनिक लेखा समितिमा प्रश्न उठाएकै कारण नियोजित रूपमा घेराबन्दी गरिएको आरोपसमेत लगाउनु भएको छ।

मंगलबार फेसबुकमार्फत एक भिडियो सार्वजनिक गर्दै सुनारले पछिल्लो समय आफूविरुद्ध घुस खाएको, भ्रष्टाचार गरेकोलगायत विभिन्न आरोप लगाइएको बताउनु भयो। उहाँले हिजो सार्वजनिक भएको अडियोमा सुनिएको पात्र आफू नभएको र त्यसमा आफ्नो कुनै सम्बन्ध नरहेको जिकिर गर्नुभयो।

ुअहिले सामाजिक सञ्जालमा जे अडियो, भिडियो भनेर आएको छ, त्यसमा मेरो कुनै सम्बद्धता छैन, त्यो पात्र म होइन,ु उहाँले भन्नु भयो।

सुनारले प्रहरीभित्रको भ्रष्टाचारबारे प्रश्न उठाएपछि नेपाल प्रहरीको प्रधान कार्यालयदेखि केन्द्रीय अनुसन्धान ब्युरो (सीआईबी) सम्मबाट आफूलाई फसाउने प्रयास भएको आरोप लगाउनु भयो। उहाँका अनुसार आफूसँग सम्बन्धित साथीभाइ, आफन्त र चिनजानका व्यक्तिलाई बोलाएर आफूविरुद्ध मुद्दा हाल्न उक्साइएको थियो। मुद्दा हाले पैसा र सम्मान दिनेसम्मका प्रस्ताव गरिएको उहाँको दाबी छ।

मैले प्रश्न गरे बापत प्रहरीको भित्रको बदमासीको प्रश्न गरेदेखि नै नेपाल प्रहरीको हेडक्वार्टरदेखि सीआईबीसम्मले म वरिपरि भएका साथी, संगी, इष्टमित्र, आफन्त, सबै खालका मान्छेलाई यसका विरुद्धमा भएका प्रमाणहरूले, यसका विरुद्धमा भएका, यसको विरुद्धमा कसले बोल्न सक्छ? यसलाई कसले मुद्दा हाल्न सक्छ? यसको विरुद्धमा ककसले के(के गर्न सक्छ? भनेर विभिन्न अफरहरू दिएको थियो। योबीचमा धेरै मान्छेहरूलाई बोलाएर उनीहरूलाई मुद्दा हाल्न उकाएका थिए, मुद्दा हालेपछि पैसा दिने, सम्मान दिने, यसो गर्ने, त्यसो गर्ने, उनीहरूले सबै गर्छौँ भनेका थिए,ु उहाँले भन्नुभएको छ ।

सुनारले आफूसँग जोडिएका महिला तथा अन्य व्यक्तिको चरित्र हत्या हुने गरी काल्पनिक पात्र र प्रसंग जोडेर अडियो सार्वजनिक गरिएको आरोपसमेत लगाउनु भयो। प्रहरीबाट विभिन्न व्यक्तिलाई आफूमाथि उजुरी दिन, सामाजिक सञ्जालमा लेख्न र विरोध गर्न दबाब दिइएको उहाँको भनाइ छ।

सुनारले आफूमाथि उठेका प्रश्नबाट भाग्न नखोजेको स्पष्ट पार्दै पार्टी, संसद् र सरकारले निष्पक्ष छानबिन गर्नुपर्ने माग गर्नुभयो। आफूसँग सम्बन्धित व्यक्तिहरूको समेत अनुसन्धान गर्न आफू तयार रहेको बताउँदै उहाँले आवश्यक परे पार्टीको केन्द्रीय समितिबाट निलम्बित हुन र सांसद पदबाट बाहिरिनसमेत तयार रहेको बताउनु भयो।

ुममाथि छानबिन होस्, निर्मम छानबिन होस्। पार्टीले, सरकारले ममाथि कुनै दया देखाउनु पर्दैन,ु उहाँले भन्नुभयो, ममाथि निष्पक्ष छानबिन होस्। अपराध र बदमासी गरेको सन्दर्भमा कानुनले दिएको सबै कुरा भोग्न तयार छु।ु

उहाँले आफूले कुनै अपराध गरेको प्रमाणित भए कानुनी कारबाही भोग्न तयार रहेको उल्लेख गर्दै प्रहरीको बर्दी, बन्दुक र हत्कडीको दुरुपयोग गरेर कसैलाई फसाउन र चरित्र हत्या गर्न नहुने बताउनु भयो।

सुनारले आफूविरुद्ध भइरहेको भनिएको गतिविधिको कारण प्रहरीभित्रको बदमासीबारे प्रश्न उठाउनु रहेको दाबी गर्नुभयो। गरिबका छोराछोरीका जुत्ता र मोजासम्बन्धी विषयमा भएको भनिएको भ्रष्टाचारबारे प्रश्न उठाउँदा आफूले पीडा भोग्नुपरेको उहाँको भनाइ छ।

उहाँले सार्वजनिक अडियो कृत्रिम बुद्धिमत्ता (एआई), प्रविधि वा अन्य माध्यमबाट तयार पारिएको हुन सक्ने आशंकासमेत व्यक्त गर्नुभयो।

सुनारले आफू जनताबाट उठेका प्रश्नको जवाफ दिन र राज्यका सबै निकायले गर्ने छानबिनमा सहयोग गर्न तयार रहेको दोहोर्‍याउँदै आफूमाथि निष्पक्ष अनुसन्धान गर्न आग्रह गर्नुभएको छ।

उज्यालोखबरमा प्रकाशित तथा प्रशारित सामग्रीबारे कुनै प्रतिक्रिया, सुझाव या सल्लाह भए ujyaalokhabar112@gmail.com मा पठाउनु होला ।

Share:

ताजा समाचारहरु

प्रधानमन्त्री बालेन्द्र शाह भारत प्रस्थान, दिल्लीमा राज्यमन्त्रीद्वारा स्वागत

काठमाडौं ,६ मंसिर। प्रधानमन्त्री बालेन्द्र (बालेन) शाह दुईदिने राजकीय भ्रमणका लागि भारत पुग्नु भएको छ ।भारतीय प्रधानमन्त्री नरेन्द्र मोदीको निमन्त्रणामा प्रधानमन्त्री शाह आइतबार भारतको नयाँदिल्ली

३५ सदस्यीय टोलीसहित प्रधानमन्त्री शाहको भारत भ्रमण

काठमाडौं ,६ मंसिर। प्रधानमन्त्री बालेन्द्र शाहको भारतको औपचारिक राजकीय भ्रमणमा ३५ सदस्यीय प्रतिनिधिमण्डल सहभागी भएका छन् ।भ्रमण टोलीमा प्रधानमन्त्री शाहसहित अर्थमन्त्री डा. स्वर्णिम वाग्ले, परराष्ट्रमन्त्री

विराजभक्त श्रेष्ठ कार्यवाहक प्रधानमन्त्री

काठमाडौं ,६ मंसिर। ऊर्जा, जलस्रोत तथा सिँचाइमन्त्री विराजभक्त श्रेष्ठले कार्यवाहक प्रधानमन्त्रीको जिम्मेवारी पाँउनु भएको छ। प्रधानमन्त्री बालेन्द्र शाह भारत भ्रमणमा निस्केपछि श्रेष्ठले कार्यवाहक प्रधानमन्त्रीको जिम्मेवारी

३५ सदस्यीय टोलीको नेतृत्व गर्दै प्रधानमन्त्री बालेन्द्र शाह भारत भ्रमणमा प्रस्थान

काठमाडौं ,६ मंसिर। प्रधानमन्त्री बालेन्द्र शाह ३५ सदस्यीय प्रतिनिधिमण्डलको नेतृत्व गर्दै भारतको औपचारिक राजकीय भ्रमणका लागि प्रस्थान गर्नु भएको छ ।प्रधानमन्त्री शाहसँगै अर्थमन्त्री डा. स्वर्णिम

कीर्तिमानै कीर्तिमानका साथ एनपीएलको तेस्रो संस्करण सम्पन्न, सुदूरपश्चिम च्याम्पियन

काठमाडौं ,६ मंसिर। नेपाल प्रिमियर लिगको तेस्रो संस्करण शनिबार सम्पन्न भएको छ । नेपाल क्रिकेट संघ(क्यान)को आयोजनामा कात्तिक ९ गतेदेखि सुरु भएको प्रतियोगितामा आठ टोली

अस्ट्रेलियाका पूर्व सांसद म्याग्वायरलाई ३ वर्ष जेल सजाय

सिड्नी,६ मंसिर । चिनियाँ नागरिकहरूको भिसा आवेदनमा नक्कली रोजगारी प्रायोजन (स्पोन्सरसिप) मिलाउने योजनामा संलग्न रहेको अभियोगमा अस्ट्रेलियाको न्यू साउथ वेल्स (एन् एस् डब्ल्यू) राज्यका पूर्व

नेपालको आकाशमार्ग प्रयोग गरी सैन्य विमान उडाउने प्रस्ताव नगरेको भारतको भनाइ

काठमाडौं,६ मंसिर । भारतले नेपालको आकाशमार्ग प्रयोग गरी सैन्य विमान सञ्चालन गर्ने प्रस्ताव नगरेको स्पष्ट पारेको छ । भारतीय सैन्य विमानलाई नेपालको बागडोगरा प्रवेश बिन्दु