भद्रपुर , ३ मंसिर । भद्रपुरमा दुई पक्षबीच कुटाकुट हुँदा तीनजना घाइते भएका छन् ।गएराति १०ः३० बजे भद्रपुर ५ सुन्दरबस्ती बस्ने ३९ वर्षीय अजय हरिजनको घरमा गई वडा नं ६ बस्ने २७ वर्षीय राजिब कामत, सोही ठाउँ बस्ने ३० वर्षीय अजय कामती लगायत १०र१२ जनाको समूहले कुटपिट गर्न खोजेको थियो । दुई पक्षबीच भनाभन भई कुटाकुट हुँदा अजय हरिजनको टाउकोको पछाडि भागमा चोट लागेको छ । उहाँको अवस्था बोल्न सक्ने मध्यम रहेको छ ।
त्यस्तै टाउकोमा चोट लागेका राजिब कामतीको अवस्था बोल्न सक्ने सामान्य रहेको छ भने अजय कामतीको टाउकोमा चोट लागेको छ । उहाँको अवस्था पनि बोल्न सक्ने सामान्य रहेको छ । तीनै जना घाइतेको प्रादेशिक अस्पताल भद्रपुरमा उपचार भइरहेको छ ।वडा प्रहरी कार्यालय भद्रपुरबाट टोली खटिएर घटनास्थलबाट प्र.१–०१–०१८ प. ५६०१ र मे. १० प. ३७५३ नम्बरको २ वटा मोटरसाइकल नियन्त्रणमा लिएको छ ।यसैबीच कुटपिट गर्ने अजय कामतीलाई सामान्य उपचारपश्चात् नियन्त्रणमा लिई जिल्ला प्रहरी कार्यालय झापामा बुझाइएको छ । अन्य व्यक्तिहरुको खोजतलास भइरहेको प्रहरीले जनाएको छ ।










