बिर्तामोड नगर अस्पताल सञ्चालनमा

 

बिर्तामोड  /  सामान्य स्वास्थ्य परीक्षणका लागि महँगो निजी अस्पताल धाउनुपर्ने बिर्तामोडवासीको बाध्यताको अन्त्य भएको छ । बिर्तामोड नगरपालिकाले नगरमै १५ बेडको अस्पताल सञ्चालनमा ल्याएको छ । विशेषज्ञ चिकित्सकसहितको अस्पतालबाट नगरका विपन्न परिवार बढी लाभान्वित हुने स्थानीयको भनाइ छ । अस्पतालमा एक एमडीजीपी, तीन एमबीबीएस डाक्टर, पारामेडिक्ससहित ३६ कर्मचारी कार्यरत छन् । अस्पतालबाट ९८ प्रकारका औषधि निःशुल्क वितरण गर्ने बिर्तामोड नगर प्रमुख पवित्रा महतारा प्रसाईंले जानकारी दिइन् । नसर्ने रोगको जाँच, गर्भवती सेवा, पाठेघरको मुखको क्यान्सरको जाँच, भिडियो एक्स–रे, ईसीजी, कोभिड जाँचलगायतका स्वास्थ्य जाँच तथा उपचार सेवा दिने गरी अस्पतालमा जनशक्ति एवं उपकरण व्यवस्थापन गरेको उनले बताइन् । बिर्तामोड–३ स्थित नगरपालिकाकै जग्गामा अस्पतालका लागि दुई तला पक्की भवन बनाइएको हो । नगर गौरव योजनाअन्तर्गत करिब साढे पाँच करोड रुपैयाँको लागतमा उक्त अस्पताल खडा भएको हो । सभामुख देवराज घिमिरेले शनिबार एक कार्यक्रमबीच उद्घाटन गरेपछि अस्पतालले २४ घण्टे स्वास्थ्य सेवा दिन थालेको हो । अस्पतालबाट २१ प्रकारका सेवा प्रवाह हुने मेडिकल सुपरिन्टेन्डेन्ट डा.सुनील अधिकारीले जानकारी दिए ।

नगर अस्पतालबाट तत्कालै डायलसिस सेवासमेत दिने गरी उपकरण जडानको काम भइरहेको नगरपालिकाका प्रमुख प्रशासकीय अधिकृत विनोद न्यौपानेले बताए । भेन्टिलेटरसहितको एम्बुलेन्स सञ्चालन गर्ने गरी दाताबाट सहयोगको प्रतिबद्धतासमेत भइसकेको उनले बताए । नगर अस्पतालमा दैनिक तीन सय बढीले उपचार सेवा लिइरहेको नगरपालिका स्वास्थ्य शाखा प्रमुख राजीव विष्टले जानकारी दिए ।

‘यो हस्पिटलले धेरै जना गरिबको ज्यान बचाउँछ,’ कांग्रेस नगर सभापति भोजराज सिटौलाले भने, ‘पैसा हुनेहरू बिर्तामोडका नाम चलेका हस्पिटल जान्छन् । तर सामान्य मेडिकलमा समेत गएर उपचार गराउन नसक्नेहरूका लागि यो हस्पिटल बरदान सावित हुनेछ ।’ उनले अस्पतालबाट दिने भनिएका सबै उपचार सेवाहरू नियमित दिने वातावरण बनाउन नगरपालिकासमक्ष आग्रह गरे ।

 

उज्यालोखबरमा प्रकाशित तथा प्रशारित सामग्रीबारे कुनै प्रतिक्रिया, सुझाव या सल्लाह भए ujyaalokhabar112@gmail.com मा पठाउनु होला ।

Share:

ताजा समाचारहरु

प्रधानमन्त्री बालेन्द्र शाह भारत प्रस्थान, दिल्लीमा राज्यमन्त्रीद्वारा स्वागत

काठमाडौं ,६ मंसिर। प्रधानमन्त्री बालेन्द्र (बालेन) शाह दुईदिने राजकीय भ्रमणका लागि भारत पुग्नु भएको छ ।भारतीय प्रधानमन्त्री नरेन्द्र मोदीको निमन्त्रणामा प्रधानमन्त्री शाह आइतबार भारतको नयाँदिल्ली

३५ सदस्यीय टोलीसहित प्रधानमन्त्री शाहको भारत भ्रमण

काठमाडौं ,६ मंसिर। प्रधानमन्त्री बालेन्द्र शाहको भारतको औपचारिक राजकीय भ्रमणमा ३५ सदस्यीय प्रतिनिधिमण्डल सहभागी भएका छन् ।भ्रमण टोलीमा प्रधानमन्त्री शाहसहित अर्थमन्त्री डा. स्वर्णिम वाग्ले, परराष्ट्रमन्त्री

विराजभक्त श्रेष्ठ कार्यवाहक प्रधानमन्त्री

काठमाडौं ,६ मंसिर। ऊर्जा, जलस्रोत तथा सिँचाइमन्त्री विराजभक्त श्रेष्ठले कार्यवाहक प्रधानमन्त्रीको जिम्मेवारी पाँउनु भएको छ। प्रधानमन्त्री बालेन्द्र शाह भारत भ्रमणमा निस्केपछि श्रेष्ठले कार्यवाहक प्रधानमन्त्रीको जिम्मेवारी

३५ सदस्यीय टोलीको नेतृत्व गर्दै प्रधानमन्त्री बालेन्द्र शाह भारत भ्रमणमा प्रस्थान

काठमाडौं ,६ मंसिर। प्रधानमन्त्री बालेन्द्र शाह ३५ सदस्यीय प्रतिनिधिमण्डलको नेतृत्व गर्दै भारतको औपचारिक राजकीय भ्रमणका लागि प्रस्थान गर्नु भएको छ ।प्रधानमन्त्री शाहसँगै अर्थमन्त्री डा. स्वर्णिम

कीर्तिमानै कीर्तिमानका साथ एनपीएलको तेस्रो संस्करण सम्पन्न, सुदूरपश्चिम च्याम्पियन

काठमाडौं ,६ मंसिर। नेपाल प्रिमियर लिगको तेस्रो संस्करण शनिबार सम्पन्न भएको छ । नेपाल क्रिकेट संघ(क्यान)को आयोजनामा कात्तिक ९ गतेदेखि सुरु भएको प्रतियोगितामा आठ टोली

अस्ट्रेलियाका पूर्व सांसद म्याग्वायरलाई ३ वर्ष जेल सजाय

सिड्नी,६ मंसिर । चिनियाँ नागरिकहरूको भिसा आवेदनमा नक्कली रोजगारी प्रायोजन (स्पोन्सरसिप) मिलाउने योजनामा संलग्न रहेको अभियोगमा अस्ट्रेलियाको न्यू साउथ वेल्स (एन् एस् डब्ल्यू) राज्यका पूर्व

नेपालको आकाशमार्ग प्रयोग गरी सैन्य विमान उडाउने प्रस्ताव नगरेको भारतको भनाइ

काठमाडौं,६ मंसिर । भारतले नेपालको आकाशमार्ग प्रयोग गरी सैन्य विमान सञ्चालन गर्ने प्रस्ताव नगरेको स्पष्ट पारेको छ । भारतीय सैन्य विमानलाई नेपालको बागडोगरा प्रवेश बिन्दु