दमक/
झापाको दमक नगरपालिकाको वसपार्कमा सोमबार बिहानै दमक नगरपालिकाका प्रमुख राम कुमार थापा हातमा झाडु बोकेर निस्कनु भयो ।
बसपार्कमा जथाभावी फाकिएका फोहोर बाडार्ने कामको उहाँले सुरुवात गर्नु भयो । यसै क्रममा उहाँलाई साथ दिन त्यहाँ उपस्थित भएकाहरुले पनि सघाए । सबैले हातमा झाडु बोक्न थाले । हातमा सेतो ग्लोव र मुखमा मास्क लगाएर एक छिन बसपार्क सफा गर्ने काम भयो ।
यसै बेला वसपार्क आसपासमा रहेका विभिन्न झाडीहरु पनि फाड्ने काम भयो । यो सरसफाई गर्ने काम सुरु गर्नु अघी यहाँ एउटा औपचारिक कार्यक्रम पनि भएको थियो ।
दमक ६ मा रहेको सर्यदर्शन बचत तथा ऋण सहकारी सस्थाले आफ्नो स्थपानाको चौर्धौ वार्षिक उत्सवको उवसरमा बसपार्क सफाई गर्दै, दमकका विभिन्न सार्वजनिक स्थानहरुमा फूल रोप्ने गमला र फोहोर फाल्ने डस्विन वितरण गर्ने कार्यक्रम तय भएको थियो । यो कार्यक्रम सम्पन्न गर्न सस्थाले दमकमा सकृय रहेको सस्था साथी भाई समुहसँग सहकार्य गर्यो ।
कार्यक्रमको संयोजन गर्न सस्थाले समुहलाई लगायो । समुहका अध्यक्ष गंगा सिटौलाको अध्यक्षतामा औपचारिक कार्यक्रम गरियो ।
कार्यक्रममा बोल्ने क्रममा अध्यक्ष सिटौलाले दमक बसपार्कमा असुरक्षा बढ्दै गएको भन्दै चिन्ता व्यक्त गर्नु भयो । दैनिक दिन दहाडै लागु पदार्थ दुव्र्यसनीहरु आउने गरेकोले असुरक्षाका कारण यहाँका पसलहरु बन्द हुने अवस्थामा पुगेकाले यसको सुरक्षामा ध्यान दिन उहाँले सरोकारवालाहरुलाई ध्यानाकर्षण गराउनु भयो ।
सुर्यदर्शन बचत तथा ऋण सहकारी सस्थाका कार्यालय प्रममुख अरुण भण्डारीले दमकलाई सफा र स्वच्छ राख्ने अभियानमा केहि टेवा पुगोस भन्नकालागि यो प्रकारको कार्यक्रम आयोजना गरिएको बताउनु भयो । वातारण संरक्षणमा सस्थाको पनि योगदान रहनुपर्छ भन्ने अभिप्रयाले सस्था स्थापना भएको १४ औ वार्षिक उत्सवकको अवसरमा बस पार्क सरसफाई, गमला वितरण तथा फोहोर फाल्ने डस्विन बितरण गरिएको भण्डारीको भनाई छ ।
सस्थाले गरेको यस्तो कामबाट नगरको वातारण सफा हुन मद्यत पुग्ने नगर प्रमुख राम कुमार थापाको विस्वास छ । नगरका हरेक सार्वजनिक स्थानमा यो प्रकारको काम हुनु पर्ने उहाँले बताउनु भयो । यसमा दमक नगरपालिकाको सकरात्मक साथ र प्रभावकारी भूमिका हुने भएकोले सबैले सामुहिक ऐकवद्धता जनाएर दमकलाई हरित नगर बनाउन लाग्नु पर्नेमा उहाँले जोड दिनु भएको थियो ।
सस्थाले सोमबार ३० वटा गमला र १६ वटा डस्विन निशुल्क बितरण गरेको थियो । कार्यक्रममा दमक नगरपालिकाको वातावरण समितीका अध्यक्ष तथा वडा नं ६ का वडाध्यक्ष टेक बहादुर थापा, भौतिक पूर्वाधार समितीका संयोजक तथा वडा नं ७ का वडाध्यक्ष भीम पौडेल लगायतको उपस्थिती रहेको थियो ।
भिडियोमा हेरौ
