दमक/
२०७९ मा भएको स्थानिय तहको निर्वाचनमा दमक नगरपालिका वडा नं ५ मा शोभा बेलबासे नेकपा एमालेको तर्फबाट महिला सदस्य पदमा उम्मेदवार बन्नु भएको थियो ।
लामो समय कपिलबस्तुमा बसेर सामाजीक परोपकारको काम गर्दै आउनु भएकी बेलबासेलाई दमक केहि नौलो शहर पनि बन्यो । तर दमक आएर बसेपछि पनि उहाँले आफ्नो सामाजीक कामलाई उत्तिकै साथ अग्रसर भएर अघी बढ्दै काम गर्नु भयो । उहाँको सकृयता र संघर्ष देखेर उहाँ आवद्ध भएको पार्टिले चुनाव लड्नकालागि टिकट पनि दियो ।
टिकट त पाउनु भयो तर त्यसमा बिजयी हाँसिल गर्नु सामान्य अवस्था चाहि थीएन । जनतासँग के बोल्ने र कस्ता आश्वाशन दिने भन्नेबारेमा पार्टिले हरेक दिन प्रशिक्षण नै दिएर पठाउँथ्यो । त्यहि अनुसार जनताकहाँ गएर ‘हामी यी यी काम गछौ हामीलाई भोट दिनुस ’ भन्दै भोट माग्नु भयो ।
खास गरि आफु महिलाको कोटाबाट आएकोले महिलाकै मुद्धा र एजेण्डा प्रमुख एजेण्डा बनाएको उहाँले बताउनु भयो ।
महिलाहरुमा देखिने समस्याको दिगो समाधान चाहने हो भने उनीहरुलाई उत्पादनमा जोड्नु पर्छ फुर्सदमा राख्नु हुँदैन भन्ने कुरा आफैले पनि अनुभव गर्नु भएको छ । त्यहि अनुभवलाई सार्थकता दिन आफु निर्वाचित भएको पहिलो वर्षनै हेर्दा तालिम तर त्यसले खास परिणाम नदिने खाले कार्यक्रम कटाउन थाल्नु भयो । बरु वर्षमा २० जना महिलाले काम गर्न सकु त्यो अनुसारको कार्यक्रम बनाएर अघी बढ्नु पर्छ भनेर उहाँले दिगो विकास गर्ने सम्बन्धीको कार्यक्रम बनाउने प्रस्ताव गर्नु भयो ।
उहाँको सपना छ ‘दमकका महिलाहरुले उत्पादन गरेको सामानको देशभरी चर्चा होस’ यसकालागि नगरभरीमै एकै प्रकारको कार्यक्रम गर्ने । खासगरि दमकलाई ढाकाको खादा तथा अन्य उत्पादनको हव नै बनाएर दमकको ढाका भन्ने पहिचान विकास गर्न वडा मार्फत नगरसभामा आफुले कुरा राखेको बेलबासेले बताउनु भयो ।
यसको कार्यान्वायनका लागि काम सुरु भएको र यसलाई दमकको पहिचानसँग जोडेर बृहत परियोजना बनाइ महिला स्वरोजगार तथा आन्तमनिर्भरमा जोड्ने लक्ष्य लिइएको उहाँले उज्यालो खवरको जनतासँग जनप्रतिनिधी कार्यक्रममा बोल्ने क्रममा बताउनु भयो ।
बेलबासेसँग उहाँको एक वर्षको कामको समिक्षा, ,सिकाई र अनुभवका बारेमा गरिएको कुराकानीको भिडियोलाई यहाँ राखीएको छ ।
