Search
Close this search box.

झापा/
पढ्ने इच्छाशक्ति भयो भने न उमेरले छेक्न सक्छ न परिवारले । मनमा अटल इच्छा बन्यो भने चिताइएका ती काम फत्ते हुनेछन् । यो कुराको उदाहरण बन्नु भएको छ झापा हल्दिबारी गाउँपालिका २ पाराखोपीकी तुलसा खतिवडा ।

पढ्ने उमेरमा उहाँलाई बिभिन्न व्यवहारले थिच्यो । पढाइ पुरा गर्न पाउनु भएको थिएन । अहिले छोराछोरी पनि हुर्के । पढ्ने समय पनि भयो । यहि बेला उहाँले कक्षा १२ को परिक्षा लेख्नु भयो । जतिबेला उहाँकी छोरी सलोनी दाहालको पनि त्यहि कक्षाको परिक्षा लेख्ने बेला भएको थियो ।

आमा छोरी दुवैले सँगै तयारी गरेर छुट्टा छुट्टै परिक्षा केन्द्रमा गएर परिक्षा दिएका यी आमा छोरीको नजिता सफल भएर आयो ।

यहाँको सरस्वती आधारभूत विद्यालयमा कार्यरत शिक्षक समेत रहनु भएकी तुलसाले लक्ष्मी मावि हल्दिबारीबाट परीक्षा दिनु भएकोक थियो भने छोरी सलोनीले एमरेल्ड एकेडेमी भद्रपुरबाट ।

आमाले शिक्षा संकाय र छोरीले व्यवस्थापन सङ्कायबाट परीक्षामा सामेल भएकी थिइन ।

Share:

Facebook
Twitter
Email
WhatsApp