दमक/
पछिल्लो समय सहकारीहरुमा सकस आएको छ । आम नागरिकहरुमा सहकारी प्रतिको बिस्वास घटीरहेको छ । नियमीत बचत गर्नेहरुले पनि खाता बन्द गर्ने तथा सदस्यतानै परित्याग गर्ने क्रम अधिकांश सहकारीहरुमा फस्टाइरहेको छ । केहि ठुला भनीएका सहकारीहरुको गलत हर्कतका कारण समग्र सहरीकारीप्रति आम नागरिकमा गलत नजिर बस्न थालेको हो ।
केहि सहकारीमा सञ्चालक बन्न मरिहत्ते गर्नेहरुनै सहज प्रकृया बाट अत्याधिक ऋण लिने र त्यसलाई समयमा नतिर्ने प्रबृद्धिका कारण पनि सहकारीमा समस्या आएको दमकमा रहेको सुर्यमुखी बचत तथा ऋण सहकारी सस्थाका अध्यक्ष चुडामणि ओझाले बताउनु भयो ।
सस्थाको आठौ वार्षिक साधरणसभामा बोल्दै ओझाले भन्नु भयो ‘केहि केहि सस्थाको अधिकांश रकम सञ्चालक र कर्मचारीमा केन्द्रित भयो । ’
सस्थाले सदस्यहरुमा विभिन्न बाहना बनाएको तर सञ्चालक र कर्मचारीमाका नाममा ठुलो ठुलो मात्रामा ऋण प्रवाह भएको उहाँले उल्लेख गर्नु भयो । ‘ खासमा सहकारीमा समस्या आउनुको कारण नै यहि हो भन्ने मलाई लाग्छ ।’
आफ्नो प्रतिवेदन सार्वजनिक गर्न पोडियमा उभीएर बोल्दै अध्यक्ष ओझा थप्नु हुन्छ ‘केहि केहि सहकारीहरुको लगानी अनुत्पादक क्षेत्रमा बढि भएको र ती क्षेत्रहरुको कारोबार अहिले ठप्प भएपछि ऋण जोखिम परेको हो । ’
आफ्नो सहकारीले एक रुपैँया पनि अनुत्पाक क्षेत्रमा लगानी नगरेको दावि गर्दै आझाले सदस्यहरुलाई उत्पादनमा जोड्ने खालका कार्यक्रममा मात्रै अधिकाशंक लगानी रहेको पनि उल्लेख गर्नु भयो ।
साथै कर्मचारी तथा सञ्चालकहरुलाई ऋण चाहिएमा बचतका आधारमा अधिकतम २ लाख रुपैँया सम्म मात्रै दिने गरिको प्रस्ताव पनि उहाँले सो सभामा पेष गर्नु भयो ।
बचत र कर्जा लगानी घट्यो
यस्तै सस्थाको प्रविवेदनमा उल्लेख भएको विवरण अनुसार सस्थाको बचत र कर्जा लगानी दुवै घटेको छ । आर्थीक वर्ष २०७८/७९ को तुलनामा आर्थिक वर्ष २०७९/८० मा घटेको हो ।
प्रतिवेदनमा उल्लेख भएको विवरण अनुसार आ.व ०७८/७९ मा १५ करोड ७ लाख ४ हजार ६ सय ६४ रुपैँया बचत गरेको सस्थाले आ.व. ०७९/८० मा भने १४ करोड९० लाख २१ हजार ५ सय १४ रुपैँया मात्रै गरेको छ ।
यस्तै कर्जा पनि आ.व. ०७८/७९ मा २१ करोड ५७ लाख ५१ हजार ४ सय १ रुपैँया लगानी गरेको थियो भने आ.व. ०७९/८० मा १९ करोड २९ लाख ७२ हजार ३ सय ८१ रुपैँया कर्जौ लगानी गरेको छ ।
सस्थाको सदस्यको संख्या पनि घटेको तथ्यांक प्रतिवेदनमा उल्लेख गरिएको छ । आ.व ०७८/७९ मा ९ सय ९४ जना सदस्य रहेको सस्थामा आ.व. ०७९/८० मा आइपुग्दा ९ सय ६५ जनामा झरेका छन् । सदस्यको संख्या घटेपनि नयाँ सदस्य बढाउने सस्थाको योजना नरहेको पनि अध्यक्ष ओझाले बताउनु भयो ।
अध्यक्ष ओझा जिल्ला सहकारी सघंको लेखा सुपरिवेक्षण समितीका संयोजक रहेर काम गरिरहनु भएको छ भने गत साउन ११ गतेको दमक नगरपालिकाको कार्यपालिकाको बैठकले उहाँलाई दमक नगरपालिका सहकारी विकास बोर्डको सदस्यमा मनोनित समेत गरेको छ ।










