दमक/
२१ औ सताब्दीका विद्यार्थीहरु अव हरेक क्षेत्रमा अव्वल हुनुपर्छ र मात्रै असल तथा दक्ष नागरिक बन्न सकिन्छ भन्ने सोच र परिकल्पनाका साथ झापामा ८औँ एस.क्यू.सि. हब सम्मेलन भएको छ। कोएस्ट नेपालको आयोजना र झापा हवको सहकार्यमा तथा स्मारिका स्कूलको आतिथ्यतामा सम्मलेन भएको हो ।
शनिबार सम्पन्न भएको सम्मेलनमा झापा र मोरङका गरि १५ बिद्यालयका ३०० सय भन्दा बढि बिद्यार्थीहरु तथा ५० शिक्षकरुको सहभागिता रहेको थियो ।
कार्यक्रमको प्रमुख अथिति समेत रहनु भएकी कोएस्ट नेपालकी अध्यक्ष सुरिना गुरुङले अवका बालबालिकाहरुको क्षमताका चौतर्फि विकास गरिनुपर्ने उल्लेख गर्दै त्यसकालागि एस.क्यू.सि.हव सहयोगी बन्न सक्ने उल्लेख गर्नु भयो ।
झापा हवका संयोजक गुणराज गिरीको अध्यक्षता सम्पन्न कार्यक्रममा झापा हबका कोषाध्यक्ष ओम बिक्रम नेम्बाङले स्वागत गर्नु भएको थियो ।
कार्यक्रममा बिशिष्ट अतिथि कमल गाउँपालिकाको उपाध्यक्ष श्री प्रमीला नेउपाने तिवारी , एनप्याब्सन केन्द्रिय उपाध्यक्ष जय बहादुर श्रेष्ठले लगायतले कार्यक्रमको महत्वका बारेमा बोल्नु भएको थियो ।
कार्यक्रममा बोल्दै उपाध्यक्ष न्यौपानेले ‘ यो खालको कार्यक्रम सामुदायकी विद्यालयमा समेत लगेर विद्यार्थीको सर्वाङ्गीण सिकाईलाई थप प्रभावकारी बनाउने कार्यक्रम बनाउन मद्यत पुगेको उल्लेख गर्नु भयो ।
सम्मेलनमा बिभिन्न प्रतियोगितात्मक, अप्रतियोगितात्मक र कार्यशालाहरु सम्पन्न भए भने कोलाब्रेटिभ कोलाज, हाजिरी जवाफ, ट्रेजर हन्ट, कथा लेखन लगायतका प्रतियोगिता पनि भएका थीए ।
त्यस्तै मेडिटेसन, पब्लिक स्पिकिङ्ग र बिज्ञान प्रदर्सनी लगायत लक्ष निर्धारण तथा व्यक्तित्व बिकास लगायतका कार्यशालाहरु पनि दिनभर सञ्चालन भएका थिए ।
त्यस्तै कार्यक्रममा बिद्यार्थीहरुले केस स्टडि प्रिजेन्टेसन, प्यानल डिस्कसन लगायतका कार्यक्रममा सहभागिता जनाएका थिए ।
भिडियोमा हेरौ
