Search
Close this search box.

दमक/

कसैलाई होच्याएर तथा अपमान गरेर दिइने अभिव्यक्त हो द्धेषपूणर् अभिव्यक्ति । पछिल्लो समय यस्ता घटना तथा भाषणहरु बढ्न थालेका छन् । जसले गर्दा समाजमा बिखण्डनको स्थिती सिर्जना हुन सक्ने चुनौती बढ्दो छ । यही कुराको मद्यनजर गरेर झापाको दमक नगरपालिका वडा नं ५ ले महिला लक्षीत द्धेषपूणर् अभिव्यक्ति र दुस्प्रचार रोक्ने उपायका जुक्तिका बारेमा महिलाहरुलाई अभिमुखीकरण गराएको छ ।

कसैले दिएको अभिव्यक्तिले आफुमा पर्ने मान मर्दन तथा कसैले गलत प्रचार गर्दा पार्ने असरका बारेमा दमक ५ मा रहेका बिभिन्न टोलका महिलाहरुलाई प्रतिनिधीमुलक ढंगले सहभागी गराएर अभिमुखीकरण गरिएको वडा नं ५ कि महिला सदस्य शोभा बेलबासेले जानकारी दिनु भयो ।

यो वडामा भर्खरै मात्र टोल स्तरिय महिला सञ्जाल गठन गरिएको छ । वडामा रहेका महिलहरुको अवस्था र विभिन्न सचेतनामुलक कार्यक्रम गर्न भन्दै यो सञ्जाल गठन गरिएको हो । सञ्जालको अध्यक्ष रहनु भएकी प्रेम कला निरौला भन्नु हुन्छ अहिलेको प्रविधिको सहि प्रयोग गर्न नजानेर पनि कतिपय महिलाहरुले दुख पाइरहेका छन् । ।त्यसबाट छुटकारा गराउन पनि यो कार्यक्रम महत्वपूणर् हुन सक्छ ।

द्धेषपूणर् अभिव्यक्ति र दुस्प्रचारका पूरुष भन्दा बढि महिलामा असर देखिएको छ । यसले परिवारमा बिखण्डन ल्याउनुका साथै अन्य विभिन्न समस्याहरु पनि सिर्जना गराइरहेको छ । यसको निराकारण गर्नका लागि एक व्यक्ति तथा एउटा सस्थाको मात्रै प्रयासले सम्भव नहुने र यसमा पुरै समाज सचेत बनेर मात्रै सम्भव हुने यस अभिमुखीकरणका प्रशिक्षक समेत रहनु भएका दलित महिला केन्द्र झापाको कार्यक्रम संयोजक सोमराज ढकालले बताउनु भयो ।

टोल महिला सञ्जालले आयोजना गरेको यो कार्यक्रममा वडा कार्यालयले सहयोग गरेको थियो भने कार्यक्रममा वडाका बिभिन्न टोलबाट प्रतिनिधीत्व गरेका महिलाहरुको उल्लेख्य उपस्थिती रहेको थियो ।

भिडियोमा हेरौ

 

Share:

Facebook
Twitter
Email
WhatsApp