कसरी चलीरहेको एस इ इ परिक्षा, निरिक्षणमा पुगेको सरकारी सम्यन्त्र के भन्छ?(भिडियोमा हेरौँ)

दमक/
अहिले २०८० को माध्यमिक शिक्षा परीक्षा (एस ई ई) सञ्चालन भइरहेको छ । राष्ट्रिय परीक्षा बोर्डले चैत्र १५ गतेदेखि परीक्षा सुरु गरेको हो । परिक्षा चैत २७ गतेसम्म हुने छ ।

अहिले देशभरबाट ५ लाख ३ हजार भन्दा बढी विद्यार्थी एस ई ई परिक्षामा सहभागी भएका छन् ।
परीक्षामा सामुदायिक तथा संस्थागत गरी १० हजार ८ सय छ विद्यालयका दुई लाख ५० हजार सात सय ७२ छात्रा, दुई लाख ५३ हजार छ सय २७ छात्र र अन्य १५ जना गरी कूल पाँच लाख चार हजार चार सय १४ परीक्षार्थी सहभागी हुने परीक्षा नियन्त्रण कार्यालयका एसईई परीक्षा नियन्त्रक नन्दलाल पौडेलले दिनुभयो ।

उहाँका अनुसार कूल परीक्षार्थीमध्ये पाँच सय छ विद्यालयका १५ हजार सात सय ४९ जना परीक्षार्थी प्राविधिक धारतर्फका छन् ।
परीक्षा नियन्त्रक पौडेलका अनुसार परीक्षा व्यवस्थित र मर्यादित बनाउन ७७ हजार ४ सय ८५ जना जनशक्ति परिचालन गरिएको छ । एउटा परीक्षा केन्द्रमा एकको दरले २ हजार ६४ जना परीक्षा केन्द्राध्यक्ष, १ सय ५० विद्यार्थी बराबर १ जना सहायक केन्द्राध्यक्ष, २० जना बराबर १ जनाको दरले निरीक्षक खटाइएको छ ।

एउटा परीक्षा केन्द्रमा १५ जना सुरक्षाकर्मी परिचालन हुने कार्यालयले जनाएको छ । यस अनुसार ३० हजार ९ सय ४५ जना सुरक्षाकर्मी परिचालन हुनेछ । त्यस्तै २५ हजार २ सय २२ जना परीक्षा नियन्त्रक खटिने कार्यालयले जनाएको छ । एक सय विद्यार्थी बराबर १ जनाको दरले ५ हजार ४५ परीक्षा सहायक, ५० जना विद्यार्थी बराबर १ जनाका दरले १० हजार ८१ कार्यालय सहयोगी खटिएका छन् ।

यही क्रममा क्रममा कोशी प्रदेशको सामाजीक विकास मन्त्रालयले परिक्षाको अनुगमन तथा निरिक्षण पनि गरेको छ । निरीक्षण गर्दै झापाको दमक आइपुग्नु भएका मन्त्रालयको उच्च माद्यमिक शिक्षा महाशाखाको महाशाखा प्रमुख फणीन्द्र खत्रीलाई प्रश्न गर्यौ‘ परिक्षा कसरी सञ्चालन भइरहेको रहेछ ? ’

खत्रीका अनुसार अहिले सम्म कोशी प्रदेशका केहि जील्लामा गरीएको निरिक्षण अनुसार शान्त्त, सुरक्षीत र मर्यादीत ढंगले परिक्षा भइरहेको छ । स्थानीय जनप्रतिनिधी समेत सगै हिडाइएकोले यहाँका अभाव र समस्याहरुका बारेमा उहाँहरुलाई अवगत गरादै त्यसको सुधारमा ध्यान समेत दिन अनुरोध गरिएको खत्रीले बताउनु भयो ।

यसै गरी दमक नगरपालिकाकी उप प्रमुख तथा यहाँ रहेको शिक्षा समिती, शिक्षा शाखाका कर्मचारीहरुको पनि अनुगमननमा उपस्थिती रहेको थियो । उप प्रमुख भट्टराईले दमकका परिक्षा केन्द्रहरुमा शान्त्त ढंगले परिक्षा चलीरहेको प्रतिकृया दिनु भएको छ ।

भिडियोमा हेरौ

(11) कसरी चलीरहेको एस इ इ परिक्षा, निरिक्षणमा पुगेको सरकारी सम्यन्त्र के भन्छ? – YouTube