पथरी, १० असोज / मोरङको पथरी शनिश्चरे नगरपालिका वडा नम्बर ८ ले घरदैलोमा पुग्नेसहितका नेपालमै नवीन प्रकारका कार्यक्रम सञ्चालन गरेर वडावासीको मन जित्दै आएको छ ।
उज्यालो खबरको ‘उज्यालो संवाद’ कार्यक्रममा बोल्दै ८ नम्बर वडाध्यक्ष नवीन कार्कीले ‘वडादेखि ढोकासम्म’को कार्यक्रम नेपालकै पृथक कार्यक्रम रहेको बताउनु भयो ।
उहाँले धाएर वडा कार्यालय आउन नसक्ने अवस्थाका अपाङ्गता भएकासहितका असक्त अवस्थाका वडावासीको विवरण संकलन गरी कागजात घरमै पुर्याइदिने कार्यक्रमले नेपालमा फरकखाले काम भएको उल्लेख गर्नु भयो ।
नगरकै कान्छा वडाध्यक्ष कार्कीले नवीनतम् सोच अघिसारेर वडा समितिमार्फत कार्यक्रम अघि बढाउँदै वडावासीको सेवाका सवालमा वडा अगाडि देखिएको चर्चा हुँदै आएको छ ।
