एजेन्सी, १५ असोज । थाइल्याण्डको राजधानी बैंककमा मंगलबार बालबालिका बोकेको स्कूल बस दुर्घटना हुँदा केही शिक्षक र धेरैजसो विद्यार्थी गरी जलेर २५ जनाको जलेर कारुणिक रुपमा मृत्यु भएको छ ।
बस उत्तरी प्रान्त उथनी थानीबाट केही शिक्षक सहित प्राथमिक विद्यालयका बालबालिका लिएर फर्किँदै गर्दा बसको टायर पड्किँएपछि आगलागी भएको त्यहाँको प्रहरीले उल्लेख गरेको छ ।
दुर्घटनामा बालबालिका र शिक्षकहरुसहित २५ जनाको मृत्यु भएको हो । १६ बालबालिका र तीन शिक्षकलाई अस्पताल भर्ना गरिएको सरकारी अधिकारीलाई उद्धृत गर्दै रोयटर्सले जनाएको छ । आगलागीबाट बस पूणर्रुपमा जलेको छ ।
बसमा तीनदेखि १५ वर्षसम्मका बालबालिका रहेको जनाइएको छ । घटनाको अनुसन्धान भइरहेको छ भने थप विवरण आउन बाँकी रहेको बताइएको छ ।
घटनापछि थाइल्याण्डकी प्रधानमन्त्री पेतोङत्रान सिनावात्राले दुःख व्यक्त गर्दै घाइतेको उपचार खर्च राज्यले बेहोर्ने र मृतक बालबालिकाका परिवारलाई क्षतिपूर्ति दिने घोषणा गर्नु भएको छ ।
