दमक, कार्तिक ३
कुनै संघ संस्थामा कोही व्यक्ति कति वर्षसम्म नेतृत्वमा रहन सक्ला ? यसको सरल जवाफ आफ्नो कार्यकाल अवधीभर । त्यो कार्यकाल चाँहि कति लामो हुन्छ ? संस्थाको नियम अनुसार एक वर्षदेखि बढीमा ५ वर्षसम्म होला । त्यसमा पनि कार्यकाल दोहोर्याउने त केही होलान् तर तेहेर्याउनेको संख्या निकै कम हुन्छ । तर दमकमा निजी विद्यालयहरुको संगठन प्याप्सन नेपाल दमक नगर कमिटीको अध्यक्षमा लगातार तीन कार्यकाल अर्थात १२ वर्षसम्म निरन्तर नेतृत्व गरिरहनु भएको छ जनार्दन मैनालीले ।
तीनवटै कार्यकालनमा मैनालीनै सर्वसम्मत अध्यक्ष बनिरहनु भएको छ । यत्तिको अवधिसम्म तपाई कसरी अध्यक्ष बनिरहनु भयो भनेर उज्यालो खवरले गरेको प्रश्नमा उहाँले सरल जवाफ दिनुभयो ‘सबै विद्यालयहरुले मेरो नेतृत्व स्वीकार गर्नुभयो । म हुँदा काम गर्न सहज हुने विस्वास गर्नु भयो, सायदै त्यही भएर होला ।’
उसो भए तपाईले १२ वर्षको अवधिमा के उपलब्धी हासिल गर्नु भयो भन्ने अर्को प्रश्नमा उहाँ भन्नु हुन्छ ‘कमसेकम मेरो नेतृत्व भएपछि मैले यहाँ रहेका सबै निजी विद्यालयहरुको शैक्षिक क्यालेण्डरमा एकरुपता बनाएको छु । अव विद्यालयको स्तर हेरेर शुल्क लिने गरिको प्रबन्ध गराउन पालिका सरकारसँग समन्वय गरिरहेको छु ।’
विद्यार्थीहरुको शैक्षिक गुणस्तर बृद्धि गर्न वर्षमा कम्तिमा पनि ३ वटा अतिरिक्त कार्यक्रम राखेर यसबाट हरेक विद्यालयका विद्यार्थी सहभागी हुने र एक आपसमा सम्बन्धको विकाससँगै शैक्षिक तथा अन्य विषयगत रुपमा प्रतिष्पर्धा बढिरहेको भन्दै आफ्ना उपलब्धि सुनाउनु भयो ।
मैनालीसँग गरिएको कुराकानीको भिडियो हेर्न तलको लिंकमा क्लिक गर्नुहोला ।
