दमक, चैत ५
काठमाडौंको प्रदर्शनी मार्गस्थित रत्न राज्यलक्ष्मी क्याम्पस (आरआर) मा स्वतन्त्र विद्यार्थी युनियनको मंगलबारको निर्वाचन स्थगित भएको छ ।
सोमबार मध्यराति नेकपा (एमाले) निकट अनेरास्ववियु र एकीकृत समाजवादीनिकट अनेरास्ववियूले विद्यार्थी परिचयतपत्रमा कैफियत देखाउँदै तालाबन्दी गरेपछि अशान्तिपूर्ण वातावरण बन्दा निर्वाचन समितिले निर्वाचन स्थगित गरेको हो । विद्यार्थी संगठनसँगको छलफलपछि अर्को मिति तोकिने निर्वाचन समितिले जानकारी दिएको छ ।
आरआरमा अनेरास्ववियु र एकीकृत समाजवादी निकट अनेरास्ववियू गठबन्धन गरेर निर्वाचनमा सहभागि भएका थिए ।
झापाको दमक बहुमुखीसहितका क्याम्पसमा शान्तिपूर्ण रुपमा निर्वाचन सञ्चालन भएको छ ।
