दमक, चैत्र,७
नेपाल कम्युनिस्ट पार्टी (विप्लव ) का महासचिव नेत्रबिक्रम चन्द ( विप्लव) र दमकका नगर प्रमुख राम कुमार थापाबीच भेट भएको छ ।
आज दमकस्थित एक होटलमा भएको भेटवार्तामा वर्तमान राजनीति परिस्थितिका बारेमा कुरा भएको जनाइएको छ ।
अहिलेको समसामयिक राजनीति बिषयमा गम्भीर समीक्षा गर्दै गर्दै अबको बिकल्प बारे दुबैजनाले आ आफ्नो तर्क सहित संवाद गरेको नगर प्रमुखका सहयोगी भुवन ढकालले जानकारी दिनु भयो ।
नगर प्रमुख थापा राप्रपाका कोशी प्रदेश अध्यक्ष हुनुहुन्छ । उहाको पार्टीले राजसंस्था सहित हिन्दु राज्य स्थापनाकालागी आन्दोलनका अभियान चलाईरहेको छ भने बिप्लबले समाजवाद उन्मुख राज्य स्थापनाकालागि वकालत गर्दै आएको छ ।
राजनैतिक रुपमा विपरीत ध्रुबका दुईब्यक्तिबिचको भेटलाई अर्थपुर्ण रुपमा हेरिरहेको छ ।
