दमक, १३ चैत– आमाशयको प्वाल टालिएका एक शिशुको दमकस्थित किओच बाल अस्पतालमा सफल शल्यक्रिया गरिएको छ । ताप्लेजुङ स्थायी घर भई हाल झापाको कन्काई नगरपालिका ८ मा बसोबास गरिरहनु भएकी ४० वर्षीया सुकमाया लिम्बुले जन्माएको शिशुमा यस्तो देखा परेको हो । यस्तो समस्यामा विश्वका बिरलै मानिसमा देखिने चिकित्सकहरु बताउँछन् ।
विश्व स्वास्थ्य संगठनको रिपोर्टअनुसार हरेक १ हजार शिशुमध्ये एक जनामा मात्रै यस्तो समस्या देखिने गर्छ ।
जन्मेको १५-१६ दिन सम्म सबै ठीक थियो । तर शिशुले एक्कासी अत्यधिकक बान्ता गर्न थालेपछि आमा सुकमायाको होसहवास उड्न थाल्यो । भर्खरैकी गर्भवती आमा , आराम र बिना तनाव बस्नुपर्ने बेलामा बच्चामा फरक समस्या देखिन थालेपछि आत्तिनुभयो । त्यसपछि बिर्तामोडका बिभिन्न अस्पताल डुलाउनुभयो । त्यसबेला सम्म उहाँको बच्चाको समस्या बिसको उन्नाईस पनि भएको थिएन । तर, जव उहाँले दमकस्थित किओच बाल अस्पतालमा ल्याउनुभयो त्यसपछि भने उहाँको सबै डरमात्रै हटेन शिशु पूर्ण रुपमा निको बनाउन सक्नु भयो । र, खुसी हुँदै बुधबार घर फर्कनु भएको छ ।
निरन्तर उपचार र शल्यक्रिया गरेपछि टालिएको आमाशय खोल्न चिकित्सक सफल भएका हुन् ।
बालबालिकाहरुको सबै खाले उपचार गर्न भनी डा. भगवान कोइरालाको अभियान अन्तर्गत खुलेको अस्पताल हो किओच बाल अस्पताल । जसअन्तर्गत दमकमा सञ्चालनमा रहेको यो अस्पतालले आफ्नो सेवा प्रवाहको अवधीमै पहिलो पटक यस खाले जटिल उपचार गरेको जनाएको छ । चिकित्सकीय भाषामा इन्फाईडर हाईपरट्रोफी पाईलोरी स्टोनोशीक अर्थात आमाशयको प्वाल बन्द हुने यो समस्या बिरलै शिशुमा देखिने गरेको यसको उपचारमा संलग्न चिकित्सकको भनाई छ । अस्तपलताका बालरोग विषेशज्ञ डा. प्रभुदयाल अग्रवालका अनुसार अत्यधिक बान्ता भएका कारण बच्चाको शरीरमा पानीको मात्रा कम भइसकेको र अन्य रोगसग लड्न सक्ने क्षमता पनि कमजोर भइसकेको थियो । तर,निरन्तर उपचार र शल्यक्रिया गरेपछि टालिएको आमाशय खोल्न चिकित्सक सफल भएका हुन् ।
यो शल्यक्रियाका लागि काठमाडौंको महाराजगञ्जस्थित शिक्षण अस्पतालका वरिष्ठ बरिष्ठ बालरोग विषेशज्ञ डा. दिनेश कोइरालालाई समेत बोलाएर बच्चाको उपचार सम्भव गराइएको अस्पतालका मेडिकल सुपरीटेण्डेण्ट डा. जयमण्ाि श्रेष्ठले जानकारी दिनुभयो । यस खाले शल्यक्रिया अन्य निजी अस्पतालमा गरेको भए लाखौ खर्च हुने भएपनि यहाँ भने सबै सेवा निःशुल्क गरिएको छ ।
