दमक, चैत्र १५/ नेपालमा अहिले व्यवस्थाको समर्थन र विरोधमा आन्दोलन चलिरहेको छ । समय तालिका बनाएर समूह र दलहरुले बेग्ला बेग्लै कार्यक्रमहरु गरिरहेका छन् । एकपछि अर्को प्रर्दशनका तयारीहरु भइरहेका छन् । जो मुठभेडतर्फ उन्मूख हुनेगरीको समेत देखिएको छ ।
आज मात्रै काठमाडौमा दुई समूहको प्रदर्शन चलिरहेको छ । तर राजा पक्षधर एकजना प्राध्यापक भने अहिले व्यवस्थानै फेर्ने बेला नभए पनि नेता सुध्रने बेला भएको बताउनु हुन्छ । राप्रपाको कोशी प्रदेश संगठन विभाग प्रमुख समेत रहनु भएका जयबहादुर श्रेष्ठले उज्यालो खबरको उज्यालो संवादमा कुरा गर्दै भन्नु भयो ‘राजानै आएपनि कुनै जादुको छडी बोकेर आउने होइन । त्यसैले कोही हौसिने र आत्तिने गर्नु हँुदैन ।’
नेपालको स्थायित्व र अभिभावकत्वका लागि भएपनि राजालाई शेरेमोनियल बनाउन मात्रै सकेपनि अहिले नेताहरुको केही गलत काम रोकिने उहाँको तर्क छ । अहिले राष्ट्रपतिको दर्जामै राजा राख्ने हो भने अधिकांश समस्याको समाधान हुने उहाँको धारणा छ । ‘अहिले राष्ट्रपतिले राष्ट्रपतिले जस्तो काम गर्नु भएको छैन । उहाँ दलको नेता तथा कार्यकर्ता जस्तो भएर काम गर्नु हुन्छ । त्यसैले यदि राजा भयो भने त कुनै दलको निर्देशन र इसारामा नभइ देश र जनताको पक्षमा निर्णयहरु हुन सक्छन् नी ।’ उहाँको तर्क छ ।
उहाँसँगको संवादको भिडियो लिंक तल राखिएको छ ।
