दमक, चैत्र १८— झापाको दमक नगरपालिका वडा नं ६ र ७ बिचमा पर्ने खुल्ला सडक । पूर्व बसपार्क अर्थात पशु बजारबाट उत्तर तर्फ हनुमान मन्दिर हुदै बजार जाने सडक खण्ड । यो सडक खण्डलाई अहिले रङ्गीन बनाइएको छ । झिलीमिली पारिएको छ । सडकको किनारमा फरक फरक प्रकारका व्यापारीहरुले सामान बाहिर निकालेका छन् ।
यस क्षेत्रका व्यापारीहरु आफै एकजुट भए । अनी आफ्नै पसल अगाडी सन्ध्याकालीन समयमा सस्तो बजार खोल्न अग्रसर भए । यसमा साथ दियो दमकमा रहेको होलसेल व्यवसायी सघंले । संघले बिभिन्न सस्थाहरुसग समन्वय गर्न सहयोग गर्यो । स्थनीय तहदेखि प्रहरी प्रशासनसम्मको समन्वयले यस क्षेत्रमा आईतबारबाट सुरु भएको छ सन्ध्याकालीन सस्तो बजार ।
जहाँ पाइन्छ सस्तो मुल्यमा जुत्ता चप्पल, कपाडाका फेन्सि तथा अन्य आइटमहरु । किचन लगायत अन्य दैनिक उपभोग्य सामानहरु । यति मात्रै नभएर निशुल्क ज्योतीषी परामर्ष पनि यही पाइन्छ ।
आइतबार साँझ औपचारीक कार्यक्रमको आयोजना गर्दै यो सन्ध्याकालीन सस्तो बजारको उद्घाटन गरिएको छ । सो अवसरमा व्यवसायीको तर्फबाट बोल्दै चेम्वर अफ कर्मस नेपाल दमक नगरका अध्यक्ष राजेन्द्र ढकाल भन्नु हुन्छ ‘अहिलेको स्थित बजारलाई थप चलायमान बनाउन यो सन्ध्याकालीन सस्तो बजार महत्वपूर्ण बन्ने छ । ’ स्थानीय सरकार र प्रहरी प्रशाषनले यहाँ आवश्यक सबै सुरक्षा प्रदान गर्न उहाँले अनुरोध गर्नुभएको छ ।
यस्तै दमकका रहेका बिभिन्न सामाजीक सस्थाहरुको तर्फबाट बोल्दै दमकका व्यवसायी भरत चौलागाईले व्यापारी र उपभोक्ता दुवैको हितमा हुने यो व्यापारले उपभोक्ता र व्यापारीको सम्बन्धलाई अझ प्रगाढ बनाउ मद्यत गर्ने विस्वास व्यक्त गर्नु भयो । दमकको सुन्दरता पहिचान यसखाले बजारले समेत गर्ने भएकोले यसलाई निरन्तर सञ्चालन गर्नु चुनौती भएपनि सबै पक्षको साथ र समर्थन भए यसले सार्थकता पाउने उहाँको बिस्वास छ ।
दमक नगरपालिका वडा नं ६ का वडाध्यक्ष टेकबहादुर थापाले यसखाले बजारलाई बजारको अन्य क्षेत्रमा पनि फैलाउदै लैजान प्रोत्साहन गरिने बताउनु भयो । यो वडालाई उज्यालो वडा बनाउने अभियान अन्तर्गत बिभिन्न सडकलाई रातैभर उज्यालो बनाउने गरि काम गरिरहेको र यस क्षेत्रको अन्य आवश्यकतालाई पुरा गर्न समेत आफु प्रतिवद्ध रहेको उल्लेख गर्नुभयो । नमुना बजार क्षेत्रलाई यसखाले नै बजारको परिकल्पना गरि यस अघी सुरुवात पनि गरिएको स्मरण गर्दै वडाध्यक्ष थापाले भन्नु भयो तर त्यहाँका व्यापारीको सकरात्मक सकृयता कम भयो र त्यो सफल हुन सकेन , यहाँ त्यस्तो नहोस ।’
कार्यक्रमको प्रमुख अतिथि रहनु भएका वडा नं ७ का वडाध्यक्ष भीम प्रसाद पौडेलले यो बजारले दमकमा सुस्ताएको बजारको कारोबारलाई चलायमान बनाउन मद्यत गर्ने बिस्वास व्यक्त गर्नु भयो । यहाँको सुरक्षा प्रबन्धकालागी आफ्नो तहबाट गर्ने सबै समन्वय आफुले गर्ने बताउँदै यसको निरर्न्तामा लाग्न यहाँका व्यापारीहरुलाई उहाँले हौसाला बढाउनु भएको छ ।
कोरोनाले थीलथिलिएको व्यापार अझैपनि माथि उक्सन सकेको छैन । साथै दमकमा अहिले पनि साँझको समयमा कहि बाहिर निस्कौ भन्दा बजारनै बन्द हुने क्रममा हुन्छ । यस्तो बेलामा व्यापारीको पनि केहि व्यापार हुने अनी दिउँसोको चर्को घाममा नभएर साँझको समयमा पनि बजार घुम्न पाइने र सामान किन्दा पनि सस्तोमा पाइने । यहि व्यवस्था गराउन सन्धाकालीन सस्तो बजार सुरुवात गरिएको आईतबार सम्पन्न भएको उद्घाटन समारोहको अध्यक्षता गर्नुभएका स्थानीय व्यवसायी कृष्ण ओलीले बताउनु भयो । यसको सफलताकालागी सबै पक्षको सकरात्मक साथ आवश्यक रहेको पनि उहाँले औल्याउनुभयो ।
यो बजार हरेक दिन साँझ ५ बजेदेखि रातको ९ बजेसम्म खुल्ने छ । यो सँधैभरि सञ्चालन गर्ने योजना बनाइएकोले यसलाई थप परीमार्जन गर्दै उपभोक्ताका अन्य आवश्यकीय सामान र खानाका स्टलहरु समेत राख्ने गरीको तयारी गरिरहिएको आयोेजनाको समन्वय गरिरनुभएका होलसेल व्यवसायी सघं दमकका अध्यक्ष राम रिमालले जानकारी दिनुभयो ।
भिडियो हेर्नुहोस ।–
