दमक, २४ चैत / बामपन्थी सर्जकहरु सम्मिलित राष्ट्रिय जनसांस्कृतिक महासंघ नेपाल कोशी प्रदेश समितिको दोस्रो अधिवेशनले पुनः जे बी थुलुङलाई नै अध्यक्ष चुनेर नयाँ कार्यसमिति सर्वसहमत चयन भएको छ ।
मोरङको बेलबारीमा सम्पन्न अधिवेशनले चार बर्षे कार्यकालका लागि उपाध्यक्षद्वय सरस्वती दुमी राई र रामजी विष्ट, , सचिवमा राजेश चाम्लिङ, सहसचिवमा टेकराज मगर, कोषाध्यक्षमा हेमा भण्डारी चयन हुनु भएको छ ।
साथै, राष्ट्रिय जनसङ्गीत कलाकार संघको अध्यक्षमा सञ्जिव धिमाल, उपाध्यक्षमा ओमविक्रम ओझा, सचिवमा भाष्कर सिटौला, सहसचिव रेनुका राई र कोषाध्यक्ष हीरा ओझा चयन हुनु भएको छ ।
राष्ट्रिय जनसाहित्यिक संघको अध्यक्षमा दीपा मंग्राती, उपाध्यक्षमा कविता केशरी, सचिवमा रमेश धमला र कोषाध्यक्ष पवित्रा घिमिरे चुनिनु भयो ।
सोही कार्यक्रममा भएको राष्ट्रिय ललितकला संघको अध्यक्षमा विष्णुकुमार थापा, उपाध्यक्षमा उद्वव गुरुङ, सचिवमा भीम पुरी, सहसचिवमा शिवकुमार राई र कोषाध्यक्ष तिलक राई निर्वाचित हुनुभयो ।
राष्ट्रिय जनपक्षीय चलचित्रकर्मी संघको अध्यक्षमा केवल तामाङ, उपाध्यक्षमा भीम लामा, सचिवमा नवीन मेन्याङ्वो, सहसचिवमा रविन श्रेष्ठ, कोषाध्यक्षमा रणबहादुर थाङ्देनलाई चयन गरिएको छ ।
समितिका केन्द्रीय उपाध्यक्ष तथा प्रदेश इञ्चार्ज भूमिका सुब्बाको प्रमुख आतिथ्यतामा कार्यक्रम सम्पन्न भयो । विशिष्ट अतिथिका रुपमा नेकपा (एमाले ) प्रदेश अध्यक्ष घनश्याम खतिवडा तथा अतिथिहरू संविधानसभा सदस्य मधु गुरुङ, राष्ट्रियसभा पूर्व सदस्य खेम नेपाली, प्रदेशसभा सदस्य मीना श्रेष्ठलगायत रहनु भएको थियो । कार्यक्रममा विभिन्न समितिका नव निर्वाचित पदाधिकारीहरुलाई सपथ ग्रहण समेत गराइएको थियो ।
