दमक, २५ चैत । सहकारी ठगी प्रकरणमा काठमाडौँबाट पक्राउ परेका राष्ट्रिय स्वतन्त्र पार्टी (रास्वपा) का सभापति रवि लामिछानेलाई सोमबार (आज) रुपन्देहीको भैरहवा कारागार चलान गरिने भएको छ ।
शुक्रबार उच्च अदालत तुलसीपुरको बुटवल इजलासले लामिछानेलाई सुप्रिम बचत तथा सहकारीको रकम ठगेको कसुरमा पुर्पक्षका लागि थुनामा पठाउन आदेश गरेको थियो । त्यसपछि शनिबार रविलाई पक्राउ गरी रुपन्देहीको भैरहवा पुर्याइएको थियो ।
लगातार पक्राउ पर्दै र धरौटीमा छुट्दै आएका लामिछानेलाई पुनः रुपन्देहीमा ठगीको मुद्धा परेपछि पक्राउ गरी कारागार नै पठाउने निर्णय भएपछि त्यता पठाइएको थियो । शुक्रबार बूढानीलकण्ठस्थित निवासबाट पक्राउ परेका लामिछानेलाई भद्रकालीस्थित जिल्ला प्रहरी परिसर काठमाडौँको हिरासतमा राखेर शनिबार भैरहवा पठाइएको थियो । त्यसपछि रुपन्देहीस्थित भैरहवामा लामिछानेलाई जिल्ला प्रहरी कार्यालयमा राखिएको जिल्ला प्रहरी कार्यालय रुपन्देहीका एसपी रञ्जितसिंह राठौरले जनाउनुभयो ।
आइतबार विदा परेकाले लामिछानेलाई सोमबार अदालत खुलेपछि कारागार पठाउने तयारी भएको उहाँले बताउनुभयो ।
