पथरी, २६ चैत/ मानिसहरुमा विकृत मानसिकता बढ्दो छ । विभिन्नखाले अश्लिल सामग्रीका भिडियोहरु समेत हेर्न पाउँने प्रविधिले विशेषगरी बालबालिकालाई विकृत मानसिकतातर्फ धकेल्दै लगेको छ ।
यस्तै विकृतिको उपजका रुपमा मोरङको धनपालथान गाउँपालिकामा १४ वर्षीय बालकले ९ वर्षीया बालिकालाई जबरजस्ती करणी गरेको घटना सार्वजनिक भएको छ ।
धनपालथान ४ हरकपुर बस्ने १४ वर्षीय बालकले सोही ठाउँ बस्ने ९ वर्षीया बालिकालाई बालिकाको घरमा गएर जबरजस्ती करणी गरेको उजुरी प्रहरीमा परेपछि ती बालकलाई नियन्त्रणमा लिइ अनुसन्धान अघि बढाइएको छ । कोही नभएको मौका पारी बालिकालाई घरको दलानमा सुताई मुखथुनी जबरजस्ती करणी गरेको इलाका प्रहरी कार्यालय रंगेलीले जनाएको छ ।
बालकलाई अनुसन्धानका लागि इप्रका रंगेलीको बाल निगरानी कक्षमा राखिएको जनाइएको छ ।
