दमक, २६ चैत / विद्यालय हड्ताल गरेर काठमाडौं केन्द्रित आन्दोलनमा उत्रिएका शिक्षक र कर्मचारीहरुलाई सरकारले भोलिका लागि वार्तामा बोलाएको छ ।
विद्यालय शिक्षासम्बन्धी कानुनलाई संशोधन र एकीकरण गर्न बनेको विधेयक, २०८० यथाशीघ्र पारित गर्न माग गर्दै आन्दोलनरत शिक्षकहरुको संस्था नेपाल शिक्षक महासंघलाई शिक्षा, विज्ञान तथा प्रविधि मन्त्रालयले वार्ताका लागि बुधबार मन्त्रालयमा डाकेको हो ।
मन्त्रालयका प्रवक्ता तथा सहसचिव शिवकुमार सापकोटाले मंगलबार विज्ञप्ति जारी गर्दै आन्दोलनरत सबै शिक्षक कर्मचारीको प्रतिनिधित्व हुने गरी महासंघलाई वार्ता र संवादका लागि आह्वान गर्नुभएको छ । वार्ताको समय भने आपसी सल्लाहअनुसार तय गरिने विज्ञप्तिमा उल्लेख छ ।
नेपाल शिक्षक महासंघको आह्वानमा शिक्षकहरूको आन्दोलन जारी छ ।
