दमक, ३० चैत । प्रधानमन्त्री एवं नेकपा एमाले अध्यक्ष केपी शर्मा ओलीले पूर्व राजा र राजावादीहरुलाई नसल्बलाउन चेतावनी दिनुभएको छ ।
झापाको दमकमा एमाले कोशी प्रदेशले आयोजना गरेको बृहत जनजागरणसभालाई सम्बोधन गर्दै ओलीले जनताले मिल्काएर फ्याँकेको रस्यानमा पुगेको राजतन्त्र फेरी फर्काउछु भन्नेहरुको पृष्ठभूमि बुझ्न अनुरोध गर्नुभयो ।
दुर्गा प्रसाईप्रति इङ्गित गर्दै ओलीले भन्नुभयो- “बैंकको ऋण खाने र तिर्नै पर्दैन भन्दै अफाjह फैलाउनेहहरु, चैत १५ गते काठमाडौको तिनकुनेमा प्रर्दशनका नाममा हिंसा, लुटपाट र डकैती गर्नेहरु छन्। अनि उनीहरुले राजा फर्काउने अरे, यस्तैका कुरामा ज्ञानेन्द्र शाह पनि विश्वास गरेर सल्बल्याउन थालेका छन् । ”
“जनतालाई दास बनाउने राजतन्त्र ल्याउन जनताको साथ छैन जनतालाई देशको मालीक बनाउने लोकतान्त्रीक गणतन्त्रको पक्षमा जनलहर छ । तर यसका विरुद्धमा अफवाह फैलाइएकोले अहिले देशव्यापी रुपमा जनजागरणसभा गर्न आवश्यक परेको हो ” ओलीले प्रस्ट्याउनु भयो ।
२०५१ सालमा मनमोहन अधिकारीको नेतृत्वको सरकारको जस लिदै प्रधानमन्त्री ओलीले भन्नु भयो नेकपा एमालेले सरकारमा पुग्यो भने जनताकालागी काम गर्छ ।
जनताको समस्या र दुखमा साथ दिन्छ भन्दै अहिले पनि आफुहरु जनताकै मुद्धामा गतिशिल भएर काम गरिरहेको दावि गर्नु भयो । पूर्वाधार, शिक्षा, स्वास्थ्य जस्ता कुरामा एमालेको नेत्वमा भएका बेला कायापलट ढंगले विकास भएको उहाँको दावि छ ।
ज्ञानेन्द्र शाहलाई कानुनी कठघरामा ल्याउँ : नेता राई
कार्यक्रममा बोल्दै कोशी प्रदेशका सस्थापक मुख्यमन्त्री तथा नेकपा एमाले कोशी प्रदेश इन्चार्ज एंव स्थायी कमिटी सदस्य शेरधर राईले पुर्वराजा ज्ञानेन्द्र साहलाई कानुनी कठघरामा ल्याउनुपर्ने बताउनु भयो ।
गत चैत १५ गते काठमाडौमा भएको हिंसात्मक घटनालाइ इङिद गर्दै पुर्व राजालाई कार्वाही गर्न आवश्यक रहेको उल्लेख गर्नु भएको हो ।
सर्वसाधारणलाई जलाउने, हत्या गर्ने , लुट्पाट गर्ने र हिंसा फैलाउने भन्दै त्यस दिनको कार्यक्रमको कमान्डर दुर्गा प्रसाईंलाई मात्र पक्राउ गर्ने हैन यसका मुख्य नाईके पुर्व राजा शाहलाई नै कानुनी कठघरामामा ल्याउन आवश्यक रहेको उहाँको तर्क थियो ।
२०८४ पछि पनि यही सरकार : मुख्यमन्त्री कार्की
कार्यक्रममा कोशी प्रदेशका मुख्यमन्त्री हिकमत कुमार कार्कीले वर्तमान सरकार ०८४ सालको निर्वाचन पछिपनि निरन्तर चल्ने बताउनु भएको थियो ।
वर्तमान गठबन्धन र साझेदार दलहरुले देश र जनताको हितमा काम गरेको दावी गर्दै यो सरकार निरन्तर रहने बताउनुभएको हो ।
सरकारको नेतृत्वमा रहेको दलको भिजन र मिसन देशमा बिकास र समृद्धि ल्याउने रहेकोले जनताले यस्तै सरकार रहोस भन्ने चाहेको बताउदै उहाले सरकारले गरेका कामको फेहरिस्त समेत सुनाउनुभयो ।
भिडियोमा हेर्नुहोस ।
