दमक, ४ बैशाख । दमक नगरपालिकाले यहाँ रहेका निजि विद्यालयको वर्गिकरण गरेको सुची र शुल्क समेत तोकेर विवरण सार्वजनिक गरेपछि त्यसको चौतर्फी विरोध भएको थियो ।
खासगरी बिभिन्न राजनैतिक दल, सर्वसाधारण एवं अभिभावकहरुले शुल्क तोकेको विषयमा मनोमानी र बैज्ञानिक नभएको भन्दै विरोध गरेका थिए । त्यसपछि नगरप्रमुख रामकुमार थापाले सार्वजनिक भएको सो सुचि र शुल्क कार्यपालिकाको बैठकले पारित नगरेको र तत्काल कार्यान्वायन नगर्न भन्दै उर्दी जारी गर्नुभयो । तर, यसरी वर्गिकरण नगर्दा र शुल्क समेत नतोक्दा निजी विद्यालयहरको मनोमानी अझ बढ्न सक्ने तर्फ बिज्ञको सुझाव छ ।
दमकको पूर्व श्रोत व्यक्ति तथा ढुकुरपानी माविको प्रधानाध्यापकबाट एक महिना अघीमात्रै अवकास लिनु भएका शिक्षा चिन्तक कृण भण्डारीले विद्यालयको वर्गिकरण र शुल्क निर्धारण अनिवार्यनै रहेको बताउनु भएको छ ।उज्यालो खवरको सत्य संवाद कार्यक्रम बोल्ने क्रममा उहाँले यस्तो बताउनुभएको हो ।
आम नागरिकको विरोध विद्यालय वर्गिकरणमा नभएर शुल्क तोकीनुमा देखिएको बताउनु हुदै त्यसलाई बैज्ञानिक ढंगले समय सापेक्ष र अभिभावकको क्षमतालाई समेत मुल्यांकन गरि तोक्न उहाँले सुझाव दिनु भएको छ ।
विद्यालयको स्तर, दिएको सुविधा, विद्यार्थीमा भएको बृद्धिविकास लगायत कुरालाई मुल्यांकन गरी शुल्क वर्गिकरण गर्न र त्यसैका आधारमा सुल्क पनि तोकीदिन उहाँको सुझाव छ । यदी यसो गरिएन भने कसले कती र केका आधारमा शुल्क लिएका हुन भन्ने कुराको पारदर्शिता नहुने भएकोले निजी विद्यालयको थप गुणस्तर सुधार गर्न पनि यो काम गर्नै पर्ने उहाँको सुझाव छ ।
