दमक, ८ बैशाख / झापाको दमकस्थित आम्दा अस्पतालमा मिर्गौला रोगीहरुको मिर्गौला डाइलासिस गर्ने कार्य आजबाट सुरु भएको छ ।
एक कार्यक्रमकाबीच सो अस्पताल व्यवस्थापन समिति अधयक्ष समेत रहनु भएका दमक नगर प्रमुख रामकुमार थापाको प्रमुख आतिथ्यतामा डाइलासिस सेवाको सुरुवात भएको हो ।
कार्यक्रममा बोल्दै नगर प्रमुख थापाले मिर्गौलाको समस्या हुनेहरु बढ्दो अवस्थामा रहेको बेला यसखाले डाइलासिसको व्यवस्था हुनु यस क्षेत्रका मानिसलाई ठूलो राहत मिल्ने बताउनु भयो ।
अस्पतालका मेडिकल सुपरिटेन्डेन्ट डा. शिखर कट्टेलले अस्पतालको तर्फबाट नयाँ उपचार सेवाको कोशिस गरेको बताउनु भयो ।
कार्यक्रममा अस्पताल व्यवस्थापन समिति सदस्य एवम् दमक उद्योग वाणिज्य संघका अध्यक्ष देवीप्रसाद गुरागाईं गोपालसहितका सामाजिक अगुवाहरुको पनि उपस्थिति रहेको थियो ।
