दमक, १२ बैशाख / झापाको दमकमा रहेको होलसेल व्यवसायी संघले शुक्रबार बाल आश्रममा खाद्यान्न, लत्ताकपडा र शैक्षिक सामग्री वितरण गरेको छ ।
संघका अध्यक्ष राम रिमालले आफ्नो जन्मदिनको अवसर पारेर सो सामग्री वितरण गर्नुभएको हो । जस अन्तर्गत आश्रममा रहेका ३३ जना बालबालिकालाई एक एक जोर नयाँ कपडा, खाद्यान्न सामग्री र सबैलाई हुनेगरी शैक्षिक सामग्री वितरण गरिएको सस्थाका अध्यक्ष रिमालले जानकारी दिनुभयो । जन्मदिनमा बाहिर हुने फजुल खर्च घटाएर यसरी आश्रममा आएर सहयोग गर्दै जन्मदिन मनाउन पाउँदा आफुमा बेग्लै आनन्द महसुस भएको उहाँले बताउनु भयो ।
दमक ९ मा रहेको अनाथ बालबृद्धाश्रमकी कार्यवाहाक अध्यक्ष मेनुका बुढाथोथोकीले आश्रम यस्तै दाताको सहयोगबाट चलेको भन्दै जन्मदिन तथा अन्य अवसर पारेर सहयोग गर्नेहरुप्रति आभार व्यक्त गर्नु भएको छ ।
आश्रममा हाल ३३ जना बालबालिका आश्रय लिएर वसिरहेका छन् । विभिन्न सहयोगी सस्था, व्यक्ति तथा केही सरकारी नियकायको सहयोगमा सो आश्रम सञ्चालन भइरहेको छ ।
