दमक, १२ बैशाख । पटक पटक सारिएको झापा जिल्ला सहकारी संघको निर्वाचन शनिबार (भोलि) हुने भएको छ ।
निर्वाचन प्रक्रिया अन्तर्गत अध्यक्षमा प्रेमकुमार कोइराला, वरिष्ठ उपाध्यक्षमा दुर्गाप्रसाद सापकोटा, महिला उपाध्यक्ष देवी निरौला बस्नेत, कोषाध्यक्षकम केशव बस्नेत सर्वसहमत निर्वाचित बन्नु भएको छ । महिला सदस्यमा विन्दाकुमारी थापा, नीलाकुमारी दाहाल, संगीता गजुरेल, पुष्पा अधिकारी (चम्लागाईं) पनि सर्वसहमत निर्वाचित बन्नु भयो । सर्वसहमत निर्वाचित क्षेत्रीय.सदस्यमा क्षेत्र नम्बर १ बाट देवीमाया अधिकारी, ३ बाट हरिकृष्ण अधिकारी, ४ बाट तिलकप्रसाद सिंह राजवंशी रहनु भएको छ ।
लेखा सुपरिवेक्षण समितिको सदस्यमा मिलन आचार्य र राजेन्द्रप्रसाद रिजाल उसैगरी सर्वसहमत निर्वाचित भइसक्नु भएको छ ।
बाँकी पदका लागि भोलि बिहान १०ः०० देखि दिउसो ३ः०० बजे सम्म बिर्तामोडस्थित साई पार्टी प्यालेस सीटी सेन्टरको सभा हलमा निर्वाचन हुने निर्वाचन समिति संयोजक देवेन्द्र भण्डारीले जनाउनु भएको छ ।
