दमक, २०, बैशाख । दमक नगरपालिका खेलकुद विकास समितीले आयोजना गर्न लागेको खेलकुद महोत्सव अन्तर्गत कृकेट प्रतियोगीताको खेल तालीका सार्वजनिक गरिएको छ ।
आज औपचारीक कार्यक्रम गरी खेल तालीका सार्वजनिक गरिएको हो । आगामी बैशाख २४ गते देखी हुने प्रतियोगीताको पहिलो खेल वडा नं १ र ९ बिच हुने छ भने दोस्रो खेल वडा नं ७ र १० विबच हुने सार्वजनीक गरिएको खेल तालीकामा उल्लेख गरीएको छ ।
यस्तै भोली पल्ट अर्थात २५ गते वडा नं ४ र ६ बिच साथै सोहि दिनको दोस्रो खेल वडा नं ८ र ९ बिच हुने छ । प्रतियोगीताको फाईनल खेल २९ गते बिहान ११ बजे हुने आज पत्रकार सम्मेलन मार्फत जानकारी गराइएको हो । महोत्सव दमक– ३ दुम्सेस्थित प्रस्तावित रंगशालामा हुने छ ।
महोत्सवमा दमक नगर भित्रका १० वटै वडाबाट सवै विधाका खेलाडीहरुले सहभागिता जनाउने छन् ।
