दमक, २२ बैशाख / झापाको दमकमा ट्रिफरको ठक्करबाट एकजना पैदलयात्री महिला घाइते भएकी छन् ।
पूर्वपश्चिम मुख्य सडकको दमक चोकस्थित आकाशे पुल पश्चिमतर्फ बाटो काट्ने क्रममा आज बिहान ९ बजेर १० मिनेटको समयमा त्यसखाले दुर्घटना भएको हो ।
पश्चिमबाट पूर्व तर्फ जादै गरेको प्रदेश १–०२–००१ क ५२१९ नम्बरको ट्रिफरले पैदलयात्री गौरादह ४ निवासी ४८ वर्षीय सीता वर्देवालाई ठक्कर दिएको थियो । घाइते वर्देवाको दमक स्थित निम्स नेशनल हस्पिटलमा उपचार भइरहेको छ ।
दुर्घटना गराउने ट्रिफरलाई इलाका प्रहरी कार्यालय दमकले नियन्त्रणमा लिएको दमक ट्राफिक प्रहरी कार्यालयले जानकारी दिएको छ ।
