दमक, २२ बैशाख । झापाको कमल गाउँपालिकाको वडा नम्बर ७ लाई पूर्ण खोप सुनिश्चित तथा दिगोपना वडा घोषणा गरिएको छ ।
सोमबार एक औपचारिक कार्यक्रमकाबीच सो घोषणा गरिएको हो । वडाध्यक्ष पृथ्वीपति राईको अगुवाईमा सम्पन्न कार्यक्रममा वडामा १५ महिना अघिका सबै बालबालिकालाई सबै प्रकारका खोप लगाइकाले पूर्ण सुनिश्चितता तथा दिगोपना घोषणा गरिएको ७ को वडा आधारभूत स्वास्थ्य केन्द्रका इञ्चार्ज अमृत थेगिमले जानकारी दिनुभयो । नगरका सबै नागरिकलाई स्वास्थ्यमा पहुँच पुर्याउन सबै खाले काम गरिरहेको वडाध्यक्ष राईले बताउनु भयो ।
उहाँले वडाका आधारभूत स्वास्थ्य सेवा वडाबाटै दिइरहिएको र त्यहाँ रहेको आयूर्वेदिक अस्पतालसँगको सहकार्यमा पनि सेवा दिइरहिएको उहाँको भनाई छ ।
