दमक, २२ बैशाख । दमकमा खेलकुद महोत्सव हुने भएको छ । औपचारिक रुपमा बैशाख २७ गतेबाट हुने भएपनि क्रिकेट २४ गते र फुटबल चाँहि २५ गतेबाट हुने आज पत्रकार सम्मेलन गरि जानकारी गराइएको छ ।
बिभिन्न ७ वटा बिधागत खेलका फरक फरक प्रतिपर्धा हुने दमक नगर खेलकुद विकास समितिका अध्यक्ष भीम चौलागाईले जानकारी दिनुभयो ।
प्रतियोगीता सम्पन्न गर्न कुल २२ लाख लाग्ने र २० लाख रकम दमक नगरपालिकाले बिनियोजन गरिदिएको महोत्सव संयोजक तारा अधिकारीले जानकारी दिनुभयो । केही प्रायोजन आउने समेत उहाँले बताउनु भयो । पुरस्कारमा मात्रै ८ लाख बढि खर्च हुने उहाँको भनाई छ ।
दमकमा पहिलो पटक हुन लागेको यो महोत्सवले दमकमा १० वटै वडाका खेलाडीहरु बिच प्रतिष्पर्धा हुने छ । यसले दमक खेलकुदको क्षेत्रमा फरक पहिचान दिने भन्दै नगरमा खेलाडी उत्पादन गर्न समेत यसले महत्वपूर्ण भूमिका निर्वाह गर्ने नगर प्रमुख राम कुमार थापाले बताउनु भयो ।
बिगतका केहि वर्ष दमकमा दमक गोल्डकप हँुदै आएको र यसले किन निरन्तरता नपाएको भन्ने प्रश्नमा नगर प्रमुख थापाले दमक गोल्ड कपले स्थानीय खेलाडी उत्पादन गर्न नसकेको र खर्च मात्रै बढाएकोले त्यसलाई स्थगित गरेर खेलाडी उत्पादन गर्ने महोत्सव गर्न लागिएको प्रष्ट पार्नुभयो ।
