दमक, ३१ जेठ । नेकपा एमालेको नेतृत्वमा रहेको सरकारकाले पछिल्लो समय सुशासन स्थापना गर्न भन्दै बिभिन्न घटनामा अख्तियार दुरुपयोग अनुसन्धान आयोगलाई सकृय बनाएको छ ।
यही सन्दर्भमा पूर्व प्रधानमन्त्रीदेखि पूर्व सभामुखसम्मलाई विभिन्न प्रकरणमा अनुसन्धानको दायरामा ल्याएको छ भने पूर्व गृहमन्त्रीलाई त अहिलेसम्म पनि जेलमै राखिरहेको अवस्था छ । सार्वजनिक पदमा रहेका बेला पदीय मर्यादा भुल्दै स्वार्थ समूहलाई फाइदा हुने किसिमका निर्णय र त्यसमा कमिसनको खेल भएको भन्दै मुद्धा लगाइरहिएको छ ।
खासगरी पूर्व प्रधानमन्त्री माधव कुमार नेपाललाई पतञ्जली जग्गा प्रकरणमा जोडेर छानविनको दायरामा ल्याइएपछि सरकारले आफु विरुद्ध बोल्ने सबैलाई साइजमा ल्याउन प्रतिशोध साँधेको हो भन्दै आशंका पनि हुने गरेको छ । त्यहि बेला पूर्व सभामुख तथा नेकपा माओवादी केन्द्रका उपाध्यक्ष अग्नि सापकोटाविरुद्धको अपहरण र ज्यान मार्ने मुद्दाले पनि अर्को रुप निकालीदियो ।
यस्तै गृहमन्त्री रमेश लेखकको भिजिट भिसा प्रकरणमा लेखकको बचाउँमा एमालेका नेता तथा सांसदहरु खुलेरै लागे ।
यसरी सुशासनको डण्डा चलाउने सरकारले व्यक्ति र दल हेरेर किन व्यवहार गरेको भनेर हामीले नेकपा एमालेका उप महासचिव प्रदिप ज्ञवालीलाई प्रश्न गरेका छौं । उहाँसंगको भिडिओ सम्वाद हेरौं ।
