दमक, ३१ जेठ । दानहरुमध्ये सबैभन्दा ठुलो दान रक्तदान हो भन्ने भनाईलाई स्थापीत गरिरहिएको छ । आफ्नो एक पेण्ट रगतले कसैको जीवन बाँच्न सक्छ भने त्यो भन्दा महत्वपूर्ण दान अरु के हुन सक्ला भन्दै ब्याख्या गरिन्छ । र वास्तवमा हो पनि । रक्तदान गर्नेहरु किन पटक पटक रक्तदान गरिरहन्छन् ? र रक्तदान नगर्दा के हुन्छ ?
उञ्जना पोखरेल । पेषाले जनस्वास्थ्यकर्मी । उहाँको अनुभवले भन्छ रगतको अभावमा कयौंले जीवन र मृत्युसग जुधिरहेको मैले देखेको छु । ” उहाले एक पेण्ट रगतको महत्त्व कति हुन्छ ? अस्पतालको शैयामा जीवन कुरिरहेक कयौ बिरामी भेटेको र त्यसको समन्वयमा आफुले काम गरेको उल्लेख गर्नु भयो ।
शनिबार झापाको कमलमा प्रगतिशिल स्वास्थ्यकर्मी कोशी प्रदेश कमिटिले अय्योजना गरेको रक्तदान कार्यक्रममा बोल्दै उहाले यस्तो बताउनु भएको हो ।
उहालेभने जस्तै एक पोका अर्थात एक पेण्ड रगतको महत्व कति हुन्छ भन्ने कुरा प्रष्ट हुन्छ ।
यस्तै दमकका सामाजीक, शैक्षीक तथा राजनैतिक व्यक्तित्व तीर्थराज बस्नेतले अहिले सम्म १०८ पटक सम्म रक्तदान गरिसक्नु भयो ।
रक्तदान गर्दा उहाँले आफुलाई वा आफ्नो शरिरलाई के फाईदा भइरहेको छ भनेर कहिलै हेर्नु भएन । त्यो ढंङ्गले सोच्नु भएन । उहाँ भन्नु हुन्छ मलाई रक्तदान गर्दा आत्मसन्तुष्टि प्राप्त हुन्छ । मेरो रगतले पक्कै पनि कसैको ज्यान बच्यो होला भन्ने उहाँको विस्वासमा रक्तदान गर्दै आएको उहाँले सुनाउनु भयो ।
दमक स्थित रेडक्रसमा रक्तसञ्चार गृहका प्रमुख सिद्धार्थ दाहाल रक्तदान गरौ जीवन बचाउँ भन्ने अभियान पनि चलाउनु हुन्छ । रक्तदान किन गर्ने र गर्दाका फाईदा र बेफाईदाबारेमा उहाँले जनचेतना फैलाउने गर्नु हुन्छ ।
उहाँ भन्नू हुन्छ कम्तीमा हरेक ३/३ महिनामा रक्तदान गरौ । यसले शारीरिक रुपमा निकै फाईदा गराउछ । तन्दुरुस्त बनाउछ ।
