दमक , २०, साउन | एसियाली विकास बैङ्कको सहयोगमा विस्तार भइरहेको पूर्वपश्चिम राजमार्ग निर्माणको काम धमाधम भइरहेको छ । तर सुरक्षीत डाइभर्सनका बारेमा बारम्बार प्रश्न उठीरहन्छ । अझ झापा खण्डमा हेर्ने हो भने जक्सनै पिच्छे निर्माण सडक भत्काएर बनाइएका डाईभर्सनले यात्रुलाई डर मात्रै पैदा गराइरहेको छ । सामान्य वर्षात हुँदा पनि यसको डाईवर्सनले जोखीम बढाइरहेको छ ।
बाटो फराकीलो त बन्दै छ । तर सगसगै जोखीम पनि उत्तीकै छ । एसियन हाईवे अन्तर्गत झापा खण्डको मेचीनगर क्षेत्रमा पर्ने कालीझोडामा रहेको डाईभर्सन यो खण्डकै सबैभन्दा जोखिम डाईभर्सन मान्ने गरिएको छ ।
सामान्य वर्षात हुदा पनि बाटो चीप्लो हुन्छ । खनिएको सडकमा खाल्डा खुल्डी छन् । यस्तो अवस्थामा सवारीका साधनहरु पल्टने जोखीम उत्तीकै हुन्छ । गाडीको चक्का अलीकती स्लिप भयो भने सडक मुनी पुग्न सक्ने खतरा पनि उत्तीकै छ ।
कालीझोडा मात्रै नभएर झापाको कन्काई नगरपालिका क्षेत्रमा पर्ने सुरुङगा देखी पूर्व तर्फको जामुनबारी सिमसार जाने सडक अगाडीको डाईभर्सन पनि कम जोखीमको छैन ।
खासगरी बिरामी बोकेर कुनै पनि साधन यो बाटो भएर हिड्दा अर्को बिराम लाग्न सक्ने सम्भावना यहाँका डाईभर्ससनहरुले बनाइदिएका छन् । ठुला ठुला खाल्डा । त्यहाँ जमेका पानी । अनी ठुला सवारीले त्यहि जमेको पानी उछीट्याउँदा खेप्नु परेका अनेक सास्ती । झापामा निर्माणाधीन एसियन हाईवेमा बनाइएका यी डाईभर्सनले दिएको दुख हुन यी ।
यस्तै यही सडक खण्डको शिवसताक्षी नगरपालिका क्षेत्रमा पर्ने भालु खोलाको डाईभर्सन पनि जोखीमयूक्त छ । माईधार देखी पश्तिम दुधे देखी पूर्व तर्फ रहेको यो डाईभर्सन सडक भन्दा तल रहेकोले पानी जमेर समेत आउन सक्ने भएकोले वर्षातको समयमा थप जोखिमयूक्त मान्न सकिन्छ ।
मनसुन भर्खरै सकृय भएको छ । वर्षातको समय अझै निरन्तर बढ्ने संकेत मौसम बिभागले गरिरहेको छ । अझ झापामा अघील्ला वर्षको तुलनामा बढि वर्षा हुने र बाढि र डुबानका घटनाको जोखिम बढ्ने तर्फ बिज्ञहरुले सचेत गराइरहेका बेला निर्माणाधीन यो एसियन हाईवेमा बनेका डाईभर्सनलाई पनि सुरक्षीत बनाउन आवश्यक छ ।
