दमक, २९ साउन । भदौ १ गते हुने दमक रथ यात्राको तयारी अन्तिम चरणमा पुगेको छ ।
दमक रथ यात्रा मुल आयोजक समितीका अध्यक्ष रोहीत आचार्यका अनुसार सबै संघ सस्था तथा समितीहरुलाई पत्रचार गरिसकिएको छ ।
उज्यालो खवरको कार्यक्रम सत्य संवादमा कुराकानी गर्दै उहाँले यो यात्रालाई ऐतिहासीक बनाउने तयारी गरिरहिएको जानकारी दिनुभयो ।
सुरक्षा लगातयत भीड व्यवस्थापन गर्नकालागी सुरक्षाका निकायहरुसग सहमती भइसकेको छ । रथलाई शशस्त्र प्रहरीको घेराले सुरक्षा दिने र बाहिरबाट नेपाल प्रहरी र नगर प्रहरीले थप सुरक्षा प्रदान गर्ने गरि तयारी गरिएको छ ।
दमक नगरपालिका संरक्षक रहेको यो रथयात्रामा ५० हजार बढि सहभागी हुने आँकलन गरिएको छ । ठाउँ ठाउँमा पुष्प गुच्छाले रथलाई स्वागत गर्ने र सामाजीक एकताको सन्देश दिन यो यात्रालाई महत्वपूर्ण मानीएको छ ।
