दमक, २९ साउन । तिहारमा फूल अत्यधिक प्रयोग हुन्छ । तर अधिकांश फूल भारतबाट आउने गरेको छ । आन्तरिक उत्पादन कम भएकोले विदेशबाट आयातीत फूलको प्रयोग गर्नुपर्ने बाध्यता छ । तर दमकमा यही बाध्यताको अन्त्य गर्न भन्दै सरकारी पहलमै फूलका विरुवा बाँड्ने र फूलाउने कामको सुरुवात भएको छ । यो अभियान दमक नगरपालिका वडा नं ६ ले चलाएको हो ।
दमकको वार्ड नं ६ को कार्यालय । बिहिबार दिउँसो दमकबासीले भरी भराउ थियो । फूलका विरुवा लिनेको घुँइयो थियो यहाँ । यो फूलको विरुवा वार्ड कार्यालयले निशुल्क वितरण गरेको हो । नजिकिदै गरेको तिहारलाई लक्षीत गरेर वितरण गरिएको सयपत्री फूलको विरुवा लिन आउनेहरुको भीड हो यो । वार्ड कार्यालयले दमकमा आयातीत फूलकको स्थितीलाई परिवर्तन गर्न भन्दै यसरी निशुल्क फूलका विरुवा वितरण गरेको हो । यही भीडमा भेटिनुभएकी दमक नगरपालिका वार्ड ५ की उषा ओझा सुवेदीले यो काम राम्रो भएको तर यस्ता कामले निरन्तर्ता पाउनेपर्ने कुरामा जोड दिनुभयो ।
यहाँ आउने हरेकलाई १०–१० वटा फूलका विरुवा प्रदान गरिएको थियो । हरेकले लगेर आफ्नो घरमा १० वटा विरुवा हुर्काउन सक्ने हो र त्यहाँ राम्रोसग फूल फुलाउन सक्ने हो भने आफुलाई चाहिने फूल आफ्नै घरमा हुने भएकोले बजारको भर पर्नु नपर्ने विश्वास वार्ड कार्यालयको छ । वार्ड अध्यक्ष टेक बहादुर थापा भन्नुहुन्छ सयपत्री फूलमा दमकलाई आत्मनिर्भर बनाउन यसरी फूलका विरुवा वितरण गरिएको हो । यसको सहि सदुपयोग हुन पर्यो ।
यसअघि पनि दमकका बिभिन्न संघ सस्थाहरुले फूलमा आन्मनिर्भर बनाउने भन्दै ठाउँ ठाउँमा फूलका विरुवा रोपेका थिए । दमक नगरपालिकाले पनि फूलमा आत्मनिर्भर बनाउन भन्दै रेडक्रसँगको सहकार्यमा फूलका विरुवा रोपेको थियो । तर, ती फूल कहाँ फूलिरहेका छन् अहिलेसम्म देख्न भने सकिएको छैन । आज दमकको वार्ड ६ ले ५ हजार विरुवा वितरण त गर्यो । लैजानेलेपनि खुव उल्लासमय तरिकाले लगेको पनि देखिएको छ । तर तिहारको समयमा यसरी लैजानेहरुको घरमा फूल फूलेको देख्न चाहि पाइन्छ कि पाइदैन त्यो चाहि हेर्न बाँकी छ । यसरी लगेर रोपेको फूल घर घरमा फूलेको समाचार बनाउन पनि पाइयोस लैजाने र प्रदान गर्ने दुवै पक्षलाई हार्दिक सुभकामना ।
