दमक, १८ भदौ । झापाका कुन पालिका र कुन कार्यालयहरुले के कस्ता काम गरिरहेका छन? सबैले वार्षिक रुपमा प्रतिवेदन बनाउँछन नै । अनी आफ्नो तालुकदार निकायमा पेष गर्छन । तर त्यहाँ भित्रैपनि भएका असल अभ्यास र नमुना कामबारेमा धेरैलाई पत्तै हुँदैन । यही भएर जिल्ला समन्वय समिती झापाले यसबारेमा बृहत कार्यक्रम आयोजना गर्यो । तीन दिन सम्म लगातार गरि जिल्लामा रहेका १५ वटै पालिका, जिल्लामा रहेका प्रदेश र संघीय सरकार मातहतका कार्यालयका प्रमुख वा प्रतिनिधीहरुलाई भेला पार्यो । अनी कसले केके गरेका छन् र अव के गर्न बाँकी छ , के कस्ता समस्या र चुनौतीको सामना गरिरहनु परेको छ भन्नेबारेमा खुलेर छलफल भए । छलफलमा तीन दिन नै प्रदेशका बिभिन्न मन्त्रीहरुको उपस्थिती रह्यो । संघ र प्रदेशका सांसदहरुले पनि कार्यक्रममा बसेर जिल्लाको अवस्थाबारेमा जान्ने मौका पाए । यही क्रममा बुधबार भएको कार्यक्रममा सडक डिभिजन कार्यालय दमक झापाका इन्जिनियर उज्वल खतिवडाले झापामा यो वर्ष ९७ किलो मिटर सडक निर्माण भएको तथ्यांक प्रस्तुत गर्नुभयो ।
स्वास्थ्य कार्यालय झापाका प्रमुख रमेश बारकोटी आफुहरुले अहिले स्वास्थ्य प्रर्वधन कार्यक्रम, जनस्वास्थ्यका कार्यक्रम साथै रोग प्रतिरोधात्मक कार्यक्रमहरुलाई प्रभावकारी रुपमा सञ्चालन गरिरहेको उल्लेख गर्नुभयो ।
सबै कार्यालयहरुको रिपोर्टहरु हेर्दा जिल्लामा केहि न केहि त भइनै रहेको रहेछ । सडक बन्दै नै रहेछन । किसानसँग सरकारका कार्यक्रम पुगीरहेका रहेछन । शिक्षा र स्वास्थ्यमा पनि गतिविधि भएकै रहेछन् । तर यहाँ केहि पनि भएको छैन । काम नै देखिएन भन्ने भाष्य निर्माण गरिएको कोशी प्रदेशका खानेपानी मन्त्री एकराज कार्कीले बताउनु भयो
। तर सरकारले बनाएको कार्यक्रम र बजेट अझैपनि सहि ढंगले कार्यान्वायन भएको र यसभीत्र अझै कमी कमजोरी रहेको मन्त्री कार्कीले स्विकार गर्नु भयो । ती कुराहरुलाई सुधार गरेर जाने हो भने देश बन्ने उहाँले धारणा राख्नु भयो ।
जिल्ला समन्वय समिती झापाका प्रमुख विश्नाथ बरालले यो कार्यक्रमबाट कहाँ कस्तो भएको रहेछ र अव अझ कसरी काम गर्दा अझ राम्रो परिणाम निस्कने रहेछ भन्ने कुराको निक्यौैल समेत गरेको उल्लेख गर्नु भयो । अव पालिका सरकारले गर्ने कामहरुमा राजनैतिक नेतृत्वले कसरी सहयोग गर्ने, प्रदेश र संघबाट आउने बजेट कार्यान्वायनको प्रभावकारी कसरी बनाउने र मातहतका जिल्ला कार्यालयहरु कस्ता चुनौती र समस्याका साथ सञ्चालन भइरहेका छन् भन्नेबारेमा बृहत छलफल भएको र खासगरी प्रदेशका मन्त्रीज्यूहरुको गम्भिर ध्यानाकष्र्णण भएको उहाँले विस्वास व्यक्त गर्नुभयो ।
सोमबार देखी सञ्चालन भएको यो कार्यक्रम बुधबार सम्पन्न भएको थियो । यसमा जिल्लाका सबै खाले सरकारी कार्यालयका प्रमुख तथा प्रतिनिधीहरुको सहभागीता रहेको थियो । निकै महत्वपूर्ण कार्यक्रम भएपनि राजनैतिक दलको उपस्थिती भने कमजोर देखिएको थियो । प्रदेश र संघीय सांसदहको उपस्थिती न्यून थियो । पालिकाका जनप्रतिनिधीहरुको पनि उपस्थिती दुर्लभनै देखिएको थियो ।
