दमक, ५ असोज । सुनचादी व्यवसायी अहिले त्राहिमाम स्थितीमा छन् । उनीहरुले खुलेर व्यापार गर्न पाएका छैनन । डर र त्रासका बिच व्यवसाय त खोलेका छन् । तर आफ्ना उत्पादन तथा डिजाईनहरुको प्रदर्शन गर्न पाएका छैनन । ग्राहकसग खुलेर व्यापार पनि गर्न सकिरहेका छैनन ।
कुनैपनि सुन पसलमा पस्दा निकै आकर्षक गर गहनाका डिजाईन देख्न पाइन्थ्यो । त्यो डिजाईन देखेर एक चिज किन्न वा बनाउन गएकाहरुले अर्को चीजको पनी अर्डर गर्ने सम्भावना प्रवल हुन्थ्यो । तर अहिले त्यस्तो छैन । किन ? किनकी अहिले सबै सुनचाँदी व्यवसायीले खुलेर व्यापार गर्न सकेका छैनन । को मान्छे कुन नियतले आउँछ र के भन्ने हो , भनेको कुरा देखायो भने त्यहि सामान लिएर भाग्यो वा कुनै समुह आएर डाङडुङ गरेर सबै सामान लुटेर गएभने कहाँ गएर उजुरी गर्नु ? व्यवसायीहरु डर र त्रासमा छन् । नत्रभने दमक बजार स्थित पशुपति मन्दिर छिर्ने मुखैमा रहेको पशुपती गोल्ड हाउसमा निकै आकर्षक डिजाईजका सुन चाँदीका गर गहना तथा अन्य सामाग्रीहरुको प्रदर्शन हुन्थ्यो । तर अहिले यो खाली छ ।
यसका सञ्चालक यूवराज निरौला भन्नु हुन्छ हामी व्यापार गर्न डराइ रहेका छौ । किनकी अहिले दमकमा प्रहरी तथा प्रशाषन छैन । हामीलाई सुरक्षा दिने निकायनै नभएपछि कहाँ गएर भन्नु ? कि हामी लुटियौ वा हाम्रो सामान चोरी भयो भनेर । त्यसैले हामीले सामान देखाएर व्यापार नगरेको । निरौलाले बताउनु भयो ।
अरु बेला यो समयमा चहल पहल हुन्थ्यो । तर अहिले सुन पसलमा ग्राहकहरुपनि न्यून जाने गरेका छन। व्यवसायीहरुलेपनि नचिनेका सग व्यापार गरेका छैनन । आफ्ना पुराना र चिनेका ग्राहकसग मात्रै सामान्य कारोबार गरिरहेका छन् । यता सुनचाँदी व्यवसायी सघंका अध्यक्ष काँशी खाती भने अहिले डर हुनु स्वभावीक हो । तर दमकमा प्रहरीलाई पुःन स्थार्पना गर्न पहल भइरहेको छ । उहाँका अनुसार प्रहरीलाई दमक ८ स्थित अर्गानिक कृषि बजारमा दमक नगरपालिकाले बस्ने व्यवस्था मिलाउने र दमकमा रहेका संघ सस्थाहरुले अन्य श्रोत साधानमा सहयोग गर्ने सहमती भए बमोजीम प्रहरी पुःनस्र्थापना गर्न पहल गरिएको छ । सम्भवत केहि दिनमै दमकमा प्रहरी फर्केन वातावरण बिनिरहेको उहाँले बताउनु भयो ।
दमक ८ स्थित अर्गानिक कृषि बजारमा प्रहरीलाई ल्याएर राख्ने कामको तयारी भइरहेको छ । जसकालागी प्रदेश प्रहरी कार्यालय, जिल्ला प्रहरी कार्यालय, जिल्ला प्रशाषन कार्यालयले समेत स्थलगत निरक्षण गरिसकेको छ । दमक नगरपालिका र दमकमा रहेका बिभिन्न संघ सस्थाहरुले सहयोग गरीरहेकोले सोमबार वा मंगलबारदेखी दमकमा प्रहरी आएर सेवा सुरु गर्ने प्रतिवद्धता व्यक्त गर्नु हुन्छ दमक नगरपालिकाका प्रमुख राम कुमार थापा । उहाँ भन्नु हुन्छ तत्काल अहिले प्रशाषनीक काम सुरु गर्न केहि टेवल कुर्सी, बास बस्न आवश्यक पर्ने श्रोत सधानको व्यवस्थापनको काम नगरपालिकाले गरिरहेको छ । अन्य संघ सस्थाहरुलेपनि सहयोग गरीरहेको र मौजुदा कार्यालयलाई चाँडै पूःन निर्माण गराइ त्यहिबाट स्थाई सेवा दिने गरिको पनि वातावरण मिलाउदै गरेको नगर प्रमुख राम कुमार थापाले जानकारी दिनुभयो ।
जेन जी आन्दोलनका क्रममा भदौ २४ गते साँझको समयमा इलाका प्रहरी कार्यालय दमकमा प्रर्दशनकारी पसेर आगो लगाएका थीए । ड्यूटिमा खटिएका प्रहरीहरु माथी छुरा तथा भाला प्रयोग गरेर घाईते बनाएका थीए । थुनुवा कक्ष जलाइएका कारण त्यहाँ रहेका ५५ जना थुनुवा फरार भएका छन् । प्रहरी कार्यालयमा रहेका ५३ भन्दा बढि हात हातीयार प्रदर्शनकारीले लुटेर लगेका छन् भने प्रहरीको पोषाक समेत जलाइएको र लुटिएको छ ।
