दमक, ९ असोज । इलाका प्रहरी कार्यालय दमकको परिसरमा चारवटा भवन छन् । यी मध्ये एउटा व्यारेक अर्थात प्रहरीहरु बस्ने आवास छ भने अन्य बाँकी तीनवटा प्रशाषनीक काममा प्रयोग गरिन्छ । गत भदौ २४ गते जेन जी प्रदर्शनमा ती तीनवटै प्रहरी भवनमा आगलागी भयो । यी मध्ये बिचको भागमा रहेको अढाई तले भवनमा सबै भन्दा बढि क्षती भयो । यो भवनमै अधिकांश अभिलेख राखीएको थियो भने मुख्य प्रशाषनीक काम पनि यहीबाट हुने गरेको थियो । यस्तै यहाँको पुराना भवन र छेउको भवनमा चाहि सामान्य मात्रै क्षती भएको यसको ल्याव परिक्षण गरेको दमक इन्जिनीयर टोलीले जानकारी दिएको छ । नेपाल इन्जिनीयर संघको प्राविधिक सहयोगमा तीनवटै भवन परिक्षण गर्दा दुईवटा भवन सामान्य मर्मत गर्दा मात्रै पनि सञ्चालन गर्न सकिने र बिचको भवन चाहि अझै फेरी परिक्षण गर्न आवश्यक रहेको दमक नगरपालिकाका इन्जिनीयर अनन्त सेनेहाङले जानकारी दिनुभयो ।
चार्डपर्वको मुख्य बेलामा प्रहरी कार्यालयनै ध्वस्त भएपछि सामाजीक रुपमा सुरक्षाको चुनौती बढिरहेको छ । चोरी , लुटपाट, तथा अन्य अपराधीक घटना बढि रहेका छन् । नागरिक त्राहिमाम अवस्थामा छन् । यसको केहि समाधान गर्न अथवा दमकमा प्रहरी आयो है भन्नका लागी दमक ८ स्थित अर्गानीक कृषि बजारमा प्रहरीलाई अस्थाई रुपमा राखीएको छ । तर त्यहाँ धेरै कुराको व्यवस्थपन भएको छैन । त्यसैले दमकको प्रहरी कार्यालयमानै दशै अघीनै प्रहरीलाई व्यवस्थापन गर्नका लागी यसको पूःन निर्माण तथा मर्मत गर्ने काम द्रुत गतीमा अघी बढाईने दमक उद्योग वाणिज्य संघका अध्यक्ष गोपाल गुरागाईले जानकारी दिनुभयो । अध्यक्ष गुरागाई र नेपाल रेडक्रस सोसाईटि दमकका सभापति प्रकाश बुढाथोकीको संयूक्त नाममा बैंक खाता खोली यो प्रहरी कार्यालय मर्मत तथा पूःन निर्माण अभियान थालीएकोले सबै सरोकारवाला तथा इच्छुकहरुलाई यो काममा जोडीन पनि उहाँले अपील गर्नु भएको छ ।
यो प्रहरी कार्यालयमा प्रहरी आएर बस्न धेरै कुराको अभाव छ । बस्ने टेवल कुर्सी देखी लिएर अन्य श्रोत साधन छैन । गस्ति हिड्ने सवारी सधान छैन । जसले गर्दा घटना स्थलमा प्रहरी समयमै पुग्न सकि रहेको छैन । यस्ता अनेकन अभावलाई दमक नगरपालिकाले संयोजन गरि सहजीकरण गर्ने र सहयोग गर्ने काम समेत भइरहेको दमक नगरपालिकाकी उप प्रमुख रेगिना भट्टराई प्रसाईले जानकारी दिनुभयो ।
यता अर्गानीक तरकारी बजारमा अस्थाई रुपमा बसेको प्रहरी कार्यालयमा पनि अनेकन अभाव र चुनौती प्रहरीले भोगी रहेका छन् । यही अभावलाई मद्यनजर गर्दै बुधबार दमक नगरपालिका वाडं ७ का पूर्वा वार्ड सदस्य तथा व्यवसायी कमल उदासले ६ वटा स्टेण्ड पंखा वितरण गरेको छ । करिव ३४ हजार बराबरको पंखा बुधबार प्रहरीलाई बुझाइएको उदासले जानकारी दिनुभयो ।
