दमक, ९ असोज। दशै नेपालीहरुको महत्वपूर्ण पर्व हो । यसले पारिवारीक एकता र सामाजीक सद्धभाव बढाउँछ । घरदेखी टाढा गएका आफन्तहरु भेला हुन्छन् । शहर तथा परदेश गएकाहरु गाउँ फर्कन्छन ।
हेर्दा र सुन्दा ओहो यो त निकै रमाईलो र आत्मीय पल हो नी भन्ने लाग्छ । र वास्तवमा दशैको उत्साह यसकारण पनि विषेश छ । तर तपाइले कत्तिको याद गर्नु भएको छ । दशै जस्तो महत्वपूर्ण चार्डमापनि दलित तथा सुकुम्बासी बस्तिहरुमा खुसी बढ्न सकिरहेको हुँदैन । किन ? किनकी यी परिवारको सिमित आम्दानीको श्रोत हुन्छ र उनीहरुले गर्ने खर्च आफ्नो दैनिकी सञ्चालनमै धौ धौ हुन्छ ।
अहिले कमाएर ल्याएर आजै खायो सकिहाल्यो । अझ कहिले कहि त यही पनि गर्न नपुग्न सक्छ । अनी यस्तो बेलामा दशै जस्तो महत्वपूर्ण पर्वमा पाहुना आउन सक्छन् । छोराछोरीले नयाँ कपडा लगाउन खोज्छन् । आफुपनि पर्व मनाउन आफन्तकहाँ जान मन लाग्छ । यस्तो अवस्थामा के गर्ने ? यसखालको अवस्था धेरै नेपालीको छ । प्रतिवर्ष प्रतिव्यक्ति ७२ हजार ९०८ रुपैयाँभन्दा कम खर्च गर्ने नागरिक गरिबअन्तर्गत वर्गीकरणमा पर्छन ।
अझै साढे ५८ लाख नेपाली गरिबीको रेखामुनि रहेका छन् । यस्ता नेपालीहरुलाई दशैले खुसी भन्दा पनि दुख र अरु थप चीन्ता बढाएर जाने गरेको छ । चार्डपर्व मान्नै पर्यो । अतरिक्त आम्दानी नभएपछि ऋण गर्नै पर्यो । यही ऋण तिर्न वर्षभरी काम गर्दापनि तिर्नै गाह्रो । त्यसैले यस्तो वर्गका समुदायलाई थोरै भएपनि राहत होस भनेर झापाको दमकमा एउटा सस्थाले घर घरमै गएर खाद्यन्न सामाग्री वितरण गरेको छ ।
यहाँ रहेको सानो प्रयास युवा समाजले दशैं तिहारमा कोही पनि भोकै बस्न नपरोस् भन्ने उद्देश्यले २५–२५ केजीका चामलका बोरा, खाने तेल र दाल जस्ता आधारभूत खाद्यान्न सामाग्री वितण गरेको छ । दमकका १० वटै वार्डमा युवा समाजका सदस्यहरुले राहतका सामाग्री वितरण गरेका हुन । अघील्ला वर्ष दमकका वार्ड कार्यालय र दमक नगरपालिकाले यसखाले रासनका सामाग्री वितरण गर्ने गरेको थियो । तर यो वर्ष प्रतिकुल अवस्था रहेको भन्दै यस्ता वितरणका काम भएनन । त्यसैले यहाँ रहेका वार्ड कार्यालयसँगको समन्वयमा आवश्यकीय परिवारहरुलाई यस खालेको राहतको सामाग्री वितरण गरिएको समाजका अध्यक्ष छवी खतिवडाले जानकारी दिनुभयो ।
१० वटै वार्डमा गरि करिव ८० पररिवारलाई वितरण गरिने जनाइएको छ । अहिले सम्ममा ६५ परिवारलाई वितरण गरिसकिएको र बाँकी १५ परिवारलाई पनि तुरुन्तै वितरण गरिने जनाइएको छ ।
