दमक, १३ असोज । महा सप्तमी अर्थात फूलपातीको अवसरमा झापाको दमकमा फूलपाती भित्राउने तथा सलामी अर्पण गर्ने कार्यक्रम सम्पन्न भएको छ । दमक ७ स्थित नव दुर्गा पुजा गर्ने स्थलमा सोमबार औपचारीक कार्यक्रमको आयोजना गरी फूलपाती भित्राइएको हो । यस अघी दमक नगरपालिकाका प्रमुख राम कुमार थापा, दमक नगरपालिका वार्ड नं ६ का वार्ड अध्यक्ष टेक बहादुर थापा, वार्ड नं ७ का वार्ड अध्यक्ष भीम पौडेलले यहाँ राखीएका दुर्गा माता सहित गणेश लगायत अन्य भगवानको मुर्ती अनावरण समेत गर्नु भएको थियो ।
यसपछि आयोजीत संक्षिप्त कार्यक्रममा बोल्दै दमक नगरपालिकाका प्रमुख राम कुमार थापाले बिगत २५ वर्ष देखी दमकका रहेका यूवाहरुको सकृयतामा हुने यो दुर्गा पुजा अहिले सम्म सफल बनेको भन्दै प्रशषां गर्नुभयो । सामाजीक एकता र सद्धभाव बढाउन आयोजना गरिने सामुदायीक स्तरको यो पुजाले खास महत्व राखेको भन्दै यसलाई निरन्र्ता दिन समेत उहाँले आग्रह गर्नु भएको छ ।
प्रत्येक वर्ष दुर्गा पक्षअन्तर्गत आश्विन शुक्ल सप्तमीका दिनमा मनाइने फूलपाती पर्व आज घर घरमा शास्त्रीय विधिअनुसार शुभ साइतको प्रतीक फूलपाती भित्र्याइएको छ । घटस्थापनाका दिनदेखि वैदिक विधिपूर्वक दुर्गालाई आह्वान गरी पूजा आजा गरिएको दसैँ घर अथवा पूजा कोठामा शुभ साइतको प्रतीकका रुपमा उखु, हलेदो, केराको बोट, धानको बाला, बेलपत्र, दारिम, जयन्ती, अशोकको फूल र मानवृक्ष भित्र्याइएको छ । नवपत्रिकाको नामले समेत चिनिने फूलपाती नववटी देवीको प्रतीकको रुपमा भित्र्याइ शास्त्रीय विधिअनुसार शक्तिको आराधनाका साथ पूजा गर्ने वैदिक विधि रहेको छ ।
