दमक २१ असोज । झापामा बाढि र डुबानका कारण करिव ४ हजार नागरीक विस्तापीत भएको रेडक्रस झापाले जनाएको छ । रेडक्रस झापाका सभापति लोकराज ढकालले रेडियो किङ एफ एमको कार्यक्रम सत्य संवादमा बोल्दै भन्नु भयो ‘यो पटक झापामा भएको क्षती झापामा परेको पानीका कारण मात्रै नभएर इलाम तथा पहाडी क्षेत्रमा परेको पानीका कारणले पनि हो । तर हाम्रो पूर्व सुचना प्रणाली प्रभावकारी रहेकोले मानवीय क्षती हुन पाएन । ’
उहाँका अनुसार खासगरी कन्काई नदिमा रहेको सुचना प्रणालीलाई प्रभावकारी बनाइएको र नागरीकलाई दुई दिन अघीदेखीनै ‘अलर्ट’ गरिरहिएका कारण पनि मानवीय क्षती हुन सकेन । तर कतिपय नागरीकले त्यसखालको सुचनालाई हल्का रुपमा लिदा भने अझ जोगीन सक्ने ठाउँहरुमा पनि क्षती भएको उहाँको तर्क छ ।
यो पटक मौसम पूर्वानुमान महाशाखाले गरेको अनुमान समेतले काम गरेको र यी निकायले राज्लाई थप संवेदनशील बन्न गरेको आग्रहले पनि काम गरेकोले पूर्व सुचनाको काम प्रभावकारी रहेको उहाँले बताउनु भयो । झापामा रेडक्रसको तर्फबाट अती जोखीम हुन सक्ने सम्भावती क्षेत्रमा माईकिङ समेत गर्दै हिडेको र सामाजीक सञ्जाल देखी अन्य सञ्चार माद्यम मार्फत प्रभावकारी सुचना प्रवाह भएकोले झापामा मानवीय क्षती हुनबाट जोगीएको उहाँले बताउनु भयो । नागरीमा आएको सचेतना अर्को मुख्य कारण रहेको बताउँदै उहाँले भन्नु भयो करिव यत्रै यत्रै बाढि पछिल्ला वर्षहरुमा पनि आएको खासगरी २०७४ सालमा कयौको ज्यान गएको थियो तर अहिले नागरीक आफैपनि सचेत भए , पुर्वसुचनालाई विस्वास माने र आफैले पनि उद्धारकालागी प्रयास र पहल गरे जसका कारणले गर्दापनि मानवीय क्षती नभएको उहाँको भनाई छ ।
यद्यपी धेरै प्रयास गर्दा गर्दागर्दैपनि झापामा झण्डै ४ हजार परिवार विस्थापीत भएको र अहिले ति बिस्थापीत परिवारहरु घर फर्कने क्रम समेत सुरु भएको उहाँले बताउनु भयो । यद्यपी १८ सय भन्दा बढि परिवारको बस्ने थाकथलोनै खोलाले बगाएको कारण त्यस ठाउँमा पानीको जोखिम घटेपनि फर्कने अवस्था नरहेको पनि उहाँले जानकारी दिनुभयो ।
जिल्ला भर ३ हजार बढि परिवारलाई तत्काल खान, बस्न , लत्ता कपडा , औषधीजन्य सामाग्री एवं पालको व्यवस्थापन गर्न आवश्यक रहेको उहाँले बताउनु भएको छ । यसमा एक परिवार बराबर करिव ३५ सय बराबरको खाद्यन्न प्याकेज, गैर खाद्यान्नमा करिव १० हजार बराबरको प्याकेज आवश्यक रहेको र सहयोेग जुट्ने काम समेत धमाधम भइरहेको उहाँले बताउनु भएको छ । राहत वितरण सबैतीर एकद्धार प्राणालीबाट गरिने भएकोले राहत दिने इच्छुक समुह र सस्थाले नजिकैको प्रहरी कार्यालय वा रेडक्रसमा सम्पर्क गरि आफ्नो राहत वितरण गर्ने बेलामा सहजीकरणमा सहभागी हुन उहाँले अनुरोध गर्नु भयो ।
