दमक, १४ कार्तिक । झापामा गएरातीदेखी निरन्तर पानी परिरहेको छ । राती भारी वर्षा भएपनि अहिले बिहान वर्षात सामान्य छ । तर पानी निरन्तर परिरहेकोले नदिको तटीय क्षेत्रमा पानीको बहाव बढिरहेको सुचना जिल्ला प्रशाषन कार्यालय झापामा प्राप्त भएको छ ।
प्रमुख जिल्ला अधिकारी शिवराम गेलालले उज्यालो खवरलाई जानकारी दिदै भन्नु भयो ‘झापामा गएरातीदेखीको निरन्तर वर्षाले अहिले सम्म कहि पनि मानवीय र भौतीक क्षती वा असर गरिहालेको छैन । तर नदिको तटिय क्षेत्रमा चाहि पानीको बहाव बढिरहेको सुचना आइरहेका छन् ।’
खासगरी यसअघीका असर र प्रभाव देखिएका गौरीगञ्ज र झापा गाउँपालिकाका प्रभावीत क्षेत्रहरुमा विषेश निगरानी राखीरहेको र सर्तकताकालागी स्थनीयतहसग समेत समन्वय गरिरहेको प्रमुख जिल्ला अधिकारी गेलालले जानकारी दिनुभयो ।
झापामा पछिल्लो २४ घण्टामा ६५ मिलिलिटर वर्षात भएको छ । नेपाल रेडक्रस सोसाईटी झापाका अधिकृत हरिशणण खड्काका अनुसार इलामको चिसापानी स्थित माईखोलामा अलर्ट जोनमा पुगेको छ । यसको असर झापामा प्रत्यक्ष पर्ने भएकोले प्रभावीत हुन सक्ने क्षेत्रमा सन्देश प्रवाह गरिरहेको उहाँले बताउनु भयो ।
कन्काई र बिरिङ क्षेत्रमा रहेको बहुप्रकोप साईरन मार्फत त्यहाँको प्रभावित क्षेत्रमा एस एम एस मार्फत सन्देश पठाइरहेको र यसकालागी थप सहज रहज पालिकाहरुलाई समेत खवरदारी गरिरहिएको उहाँले बताउनु भएको छ । यस्तै खड्का अनुसार झापामा कन्काई नदि छेउमा रहेको मैनाचुली मापन केन्द्रले मापनको काम गर्न नसकदा जोखीमको पूर्वानुमान गर्न समेत असर परेको छ ।
अघील्लो पटकको बाढिका कारण यो मापन केन्द्र पूर्ण रुपमा क्षती भएकोले यसले काम गर्न नसकेको उहाँले जानकारी दिनुभयो ।
