दमक १८ कार्तिक । जेन जी आन्दोलनबाट बनेको अन्तरीम सरकार गठन भएकै दिन प्रतिनिधीसभा भंग गर्ने निर्णय भयो । जनताबाट चुनीएर गएका सांसदहरुको संसद बिगठन गरेर प्रधानमन्त्री शुशीला कार्कीले तत्कालै चुनावको मिती समेत घोषणा गर्नुभयो ।
फागुन २१ गते प्रतिनिधीसभाको चुनाव हुने गरी बिगठनग भएको प्रतिनिधीसभा अहिले बन्द छ । योसगै २७५ जना प्रतिनिधीसभाका सदस्यहरु अहिले जिम्मेवारी बिहिन भएका छन् र फेरी चुनावबाट अनुमोदन हुनुपर्ने भन्दै चुनावको मिती घोषणा गरिएको छ । तर चुनाव तोकीएको मितीमा हुन्छ होला ? यतीबेला शिर्ष दलका शिर्ष नेताहरुनै यसमा आशंका व्यक्त गरिरहेका छन् ।
शान्त्ती सुरक्षाको अवस्था सामान्य नभएको, नागरीकमा डर र त्रास कायमै रहेको छ । जेलबाट भागेका अपराधीहरु अझै खुलेआम हिडिरहेका छन् । प्रहरी कार्यालयबाट लुटीएका हात हतियार अझै फिर्ता भइसकेका छैनन । प्रहरीमा गुमेको आत्मबल अझै फर्कन सकेको छैन । यस्तो भेलामा भयरहित , सुव्यवस्थित र शान्त तवरले कसरी चुनाव हुन सक्छ ? भन्दै प्रमुख दलहरुले चिन्ता व्यक्त गरिरहेका छन् ।
यही सन्दर्भमा झापाका केहि मततदातालाई हामीले भेटेर चुनावबारेको प्रतिकृया लिएका छौ । इन्द्रमणी पोखरेल । घर मेचिनगर नगरनगरपालिकाको वार्ड ३ । उहाँ लेखापढि व्यवसाय गर्नुहुन्छ । जेन जी आन्दोलनले परिवर्तन चाहेको र त्यो परिवर्तन चुनावबाट मात्रै हुने उहाँको ठम्याइ छ । त्यसकारण शुशीला कार्की नेतृत्वको सरकारले जुनसुकै हालतमा पनि तोकेको मितीमा चुनाव गरेर देशलाई निकास दिनुपर्ने उहाँको माग रहेको छ ।
यस्तै दमक ७ का जीवनाथ कोईरालालाई लागेको छ अहिलेको सरकारले कुनैपनि बाहनामा चुनावबाट भाग्नै मिल्दैन । देशमा शान्त्ती कायम राख्ने र देशलाई निकास दिने अनी जेनीजी पुस्ताको मागलाई संवोधन गर्ने हो भने चुनाव निर्विकल्प छ । कहाँ कहाँ कोकोसग केके भनेर र गरेर हुन्छ अहिलेको अन्तरीम सरकारले चुनाव गराउनै पर्ने उहाँको धारणा रहेको छ ।
चुनावमा भाग लिन दलहरु तयारनै छन् । एउटा दलले संसद पूःनस्थापर्ना भनेपनि सरकारले चुनावी माहोल र वातावरण बनाएको खण्डमा आफुहरु चुनावम जाने पनि भनेको छ । तर यो बिचमा सरकार र सरकारका मन्त्रीहरु दल र दलका नेतालाई प्रहार गर्ने गतिविधी र उच्छ्ींखल भाषणले भने दलहरु ससंकीत पनि भएका छन् । अनी दल बेगर चुनाव गराउछु भन्ने परिकल्पना पनि व्यवहारीक नहोला ।
त्यसैले यही सरकारले चुनाव गराएर देशलाई स्थाइत्वमा ल्याउने हो भने जनताको भावना र दलहरुसगको समेत समन्वय र सहकार्यमा चुनावी वातावरण बनाउन सक्नै पर्छ । र मात्रै फागुन २१ मा चुनाव सम्भव रहेको मतादाताहरुले पनि बताएका छन ।
