दमक २१ कार्तिक । दमक नगरपालिकाले जेन जि आन्दोलनको प्रभबा र यसले पारेको असरको विश्लेषण गरेको छ । गत कार्तिक १८ गते बसेको नगरसभाको बैठकले जेनजी आन्दोलनबाट दमक नगरपालिकाले मात्र २३ करोड बढिको क्षती बिहोरेको र अन्य वार्डगत रुपमा भएका असर क्षतीको समेत लगत सहित अबस्था विश्लेषण गरेको छ ।
नगरले शुक्रबार प्रेस नोट सार्बजनिक गर्दै समग्र दमक र नगर कार्यपालिकाको कार्यालयको क्षती सार्बजनिक गर्दै पुनर्निर्माण गर्ने काम समेतको घोषणा गरेको छ ।
पुनर्निर्माण गर्न चालू आर्थिक वर्षका लागी बिनियोजन भएको कुल बजेट १ अर्व ४७ करोडबाट नगर र वार्ड स्तरका योजनाहरुबाट दस प्रतिशत बजेट कटौती गर्ने, अन्य सामाजिक तथा आर्थिक कार्यक्रम कटौती गरि थप मितव्ययी अपनाएर नगर पुनर्निर्माणमा लाग्ने नगर प्रमुख राम कुमार थापाले बताउनु भयो ।
यद्यपि नगरले शिक्षा ,स्वास्थ्य र पुर्वाधारका योजनामा भने सकभर कटौती नगर्ने तर तालिम, गोष्ठी , सेमिनार जस्ता कार्यक्रम मितव्यायी बनाएर सेवा प्रबाह गर्ने उहाले बताउनु भयो । नगरपालिकाले अनुमान गरेको आम्दानी , राजस्व संकलनमा समेत प्रभाव पर्ने भएकोले ती कार्यक्रम तत्काललाई स्थगित गरिएको र रकममा हेरफेर , कार्यक्रम परिमार्जन गरि हिउदे नगरसभाले तय गर्ने समेत नगर प्रमुख थापाले शुक्रबार प्रेस नोट सार्बजनिक कार्यक्रममा जानकारी गराउनु भयो ।
यस आर्थिक वर्षमा ग्यास बितरण, चामल र खाद्यान्न बितरण, स्वास्थ्य विमाको पृमियम भुक्तानी , बिधुत महशुस भुक्तानी , धारा पानी महसुल भुक्तानी , हेन्ड पम्प कल बितरण, रिक्सा साईकल बितरण, साडी ब्याग झोला बितरण, बाध्यबाधन यन्त्र उपकरण , सेनेटरी प्याड वितरण , डस्विन, फुलका बिरुवा , गमला बितरण, सुत्केरी पोषण खाद्यान्न र मनमोहन चार्ड खर्च जस्ता वितरणमुखी कार्यक्रम स्थगित गरिएको छ । अबस्था हेरेर आगामी आर्थिक वर्ष पुन सन्चानल गरिने पनि नगर प्रमुख थापाले उल्लेख गर्नु भयो ।
नगरप्रमुखले यी विवरण सार्बजनिक गरिसके पछि बोल्ने क्रममा नेपाल मानव अधीकार संघठनका अध्यक्ष डा. केपी सुवेदीले दमक क्षेत्रमा रहेका अन्य सार्बजनिक निकायको काम र प्रबाह हुने सेवाको निगरानी र समन्वय गरि नागरिकले पाउने सेवामा सहजता गराउन सहजीकरण गर्न नगरपालिकासग माग राख्नु भएको छ ।
कार्यक्रममा दमकका विभिन्न सकृय सामाजिक संघ सस्था, राजनीति दलका प्रतिनिधिहरुको सहभागीता रहेको थियो
